Апас район электр челтәрләре тагын беренче!

15-16 майда Тәтештә Татарстан «Челтәрләр компаниясе»нең чираттагы зона ярышларында республиканың Идел аръягындагы 8 район энергетиклары һөнәри осталыкта ярыштылар. Апаслылар барлык номинацияләрдә дә иң югары балл җыеп беренче урынга чыктылар. Район электр челтәрләре җитәкчесе Айрат Җиһаншин әйтүенчә, ярышларга хезмәткәрләр махсус әзерләнмәгән. Апас командасы вәкилләре-өлкән мастер Азат Абделвәлиев, диспетчер Рәдис Сөнгатуллин, монтерлар Евгений Прохоров белән Руслан Исмәгыйлев һәр биремне «бишле»гә генә тапшырдылар.