Чыгарылыш көненә зур бүләк

24 майда район мәдәният йортында “Сәләт” балалар иҗат үзәге каршында эшләп килүче “Мушкетерлар” балалар театр коллективы Туфан Миңнуллинның “Шүрәле җанкисәгем” чыгарылыш спектаклен күрсәттеләр. Чыгарылыш сыйныф укучылары, балалар, әти-әниләр өчен зур бүләк булды бу. Балаларны бер йодрык итеп туплап, аларны зур сәхнәгә алып чыккан,  үз эшенең остасы, тынгысыз режиссерыбыз Миләүшә Алиуллинага мәдәният бүлеге, балалар үзәге коллективы һәм әти-әниләр исеменнән рәхмәт сүзләре яңгырады, бүләкләр, чәчәк бәйләмнәре тапшырылды.