Апаслар тәҗрибәсе башкаларга үрнәк булсын

Менә шундый максат белән районга Татарстан Республикасы Премьер-министры урынбасары, авыл хуҗалыгы һәм азык-төлек министры Марат Әхмәтов һәм Дәүләт Советы депутаты Тәлгать Абдуллин килделәр. Алар Карамасар авылындагы 1200 баш терлек симертелүче комплекста булып биредәге эш барышы белән таныштылар. “Биредә өч терлекче хезмәт күрсәтә, уч тутырып акчасын да алалар. Аз чыгымнар тотып күп табыш алу тәҗрибәсен республиканың башка хуҗалыкларына да җиткерергә, өйрәтергә кирәк”, – диделәр республика кунаклары, биредәге эш алымыннан канәгать булып.