Апас юлларына «зебра» кайтып ятты
Район үзәгенең халык күп йөри торган юллар киселешендә, мәктәп-балалар бакчалары, спорт корылмалары һәм җәмәгать урыннарында 13 җирдә аклы-сарылы чыдам буяу белән юл аркылы җәяүлеләр чыгу урыннарында «зебра» тамгалары ясалды. Каратун белән Свияжский бистәсендә дә шушы көннәрдә генә яңартылган 3 юл аркылы чыгу урыннары шоферларны һәм җәялеләрне ерактан ук кисәтеп тора хәзер. Якын көннәрдә биредә дә юлларга аклы-сарылы «зебра» ясалачак. Апас шәһәр тибындагы поселок башкарма комитеты җитәкчесе Фәнис Шәрәфетдинов һәм Каратун авыл җирлеге башлыгы Радик Исмәгыйлев әйтүенчә, былтыр бу җирлекләрдә 6 җирдә җәяүлеләр кичүләрендә монтажланган 12 махсус светофорлар бөтенесе сафта, тәүлек буе кояш батарейлары ярдәмендә генә эшләүче бу җиһазлар да шулай ук яңартылды.