Апаста «Ана капиталын» тантаналы тапшыру

17 ноябрьдә район Пенсия Фонды бүлегендә ГХАТ бүлеге белән берлектә «Ана капиталы» сертификаты районның тагын 5 яшь әни кулына тапшырылды. Апастан: Сергеева Галинага, Вәлиуллина Гөлназга, Хәмзина Лилиягә, Нургалиева Зөлфия һәм Танай Турай авылыннан Гилазиева Айгөлгә район Пенсия Фонды җитәкчесе Шамил Гаффаров, гражданлык актларын теркәү район бүлеге җитәкчесе Розалия Насыйбуллина тантаналы рәвештә тәбрикләделәр истәлекле бүләкләр дә бирделәр. Яшь гаиләләргә бәхетле озын гомер, сәламәтлек һәм иминлек-тигезлек теләделәр.