Татарстан Хөкүмәте шәһәрләрдә, шәһәр тибындагы бистәләрдә һәм район үзәкләрендә, авыл җирлекләрендә Яңа ел чыршысы бизәлеше, Яңа ел бәйрәмен каршылау буенча 8, 6 миллион сумлык махсус бүләк фонды булдырды. Казаннан комиссия урыннарга 20 декабрь-25 январьда чыгачак, республика конкурсы зоналарга бүлеп үткәреләчәк. Безнең район да бу чарада актив катнашырга әзерләнә. Апас Яңа ел чыршысы Тау ягында, республикада иң матуры булырга тиеш. Авылларда да матурлыкны аңлый белүчеләр бихисап.