Республика кан үзәге Гашыйклар көненә донорлар акциясен үткәрә

13 февральдә ТР Сәламәтлек саклау министрлыгының Республика кан үзәгендә "Мы..." Татарстан яшьләр хәрәкәтенең донорлар акциясе узачак, дип хәбәр иттеләр медицина учреждениесендә.

Акция Гашыйклар көненә багышлана һәм "Мәхәббәт дөньяны коткара - кан гомерне коткара!" шигаре астында уздырыла. Акциядә фотомәйданчык эшләячәк, анда теләгән барча кеше фотосурәткә төшә ала. Беренче тапкыр кан тапшыручыларга үзләренең донор картасын ачу мөмкинлеге бирелә. Ә андый карталары булганнар донор Levelен арттыра, шулай ук үз дәрәҗәсенә туры килгән бүләкләр ала.

Белешмә өчен. "Мин ТР доноры" - "Мы..." яшьләр хәрәкәте проекты, ул ТР Яшьләр эшләре һәм спорт министрлыгы һәм "ТР Иҗади яшьләр академиясе" төбәк иҗтимагый оешмасы ярдәме белән тормышка ашырыла. Проектның максаты - вузлардагы булган донорлар төркемен кан хезмәте белән системалы рәвештә эшләү өчен бер яшьләр донорлар хәрәкәтенә берләштерү.