Апас муниципаль районы

Пенсияне калькулятор исәпли

2015 елның 3 марты, сишәмбе

Хәзер теләгән һәркем өеннән чыгып тормыйча гына үзенең булачак пенсиясенең күпме булачагын исәпли ала. Россия Пенсия фондының Татарстан бүлеге сайтында яңа хезмәт – “пенсия калькуляторы” пәйда булды.

Әлеге калькулятор автомат рәвештә барысын да исәпләп бирә. Әмма ул ышанычлы булсын өчен, сезгә бары “ак” хезмәт хакын гына күрсәтергә туры киләчәк.

Калькуляторны Россия Пенсия фонды сайтында да (www.pfrf.ru), аның Татарстан бүлеге порталында да (www.sfr.tatarstan.ru) табарга мөмкин. Тиешле баннер сайтларның төп битләрендә урнаштырылган. Сервис үзе эшләү өчен бик гади: ул бизәкле тестка охшаган, анда тиешле урыннарда тамга куярга һәм кирәкле саннарны күрсәтергә, аннары “Исәпләргә” дигән кнопкага басарга кирәк.

- “Пенсия калькуляторы” булачак пенсиянең башлангыч күләмен билгели, барлык мәгълүматны кеше үзе тәкъдим иткәнлектән, ул бернинди документлар белән дә расланмый, - дип кисәтә район Пенсия фондының җитәкчесе Елена Полякова. – Калькулятор күрсәткечләренең ни дәрәҗәдә төгәл булуы тәкъдим ителгән мәгълүматларның дөреслегенә бәйле. Конвертта алган зур хезмәт хакын күрсәтүнең мәгънәсе юк, чөнки пенсия күләме “ак” эш хакына гына бәйле. Шул сумманы күрсәтергә кирәк тә.

БАРЛЫК ЯҢАЛЫКЛАРНЫ УКУ