Апаста биш бәхетле әнигә "Ана капиталы" сертификаты тапшырылды

Район пенсия фонды бүлегендә тантаналы шартларда  биш бәхетле әнигә  “Ана  капиталы” сертификаты  тапшырылды.

Әниләргә сертификатларны пенсия фондының район бүлеге начальнигы Шамиль Гаффаров тапшырды һәм әлеге акчаларны торак шартларын яхшыртуга, баланың  белем алуына  тотарга, шулай ук әниләрнең тупланма пенсия өлешенә юнәлдерергә мөмкинлеген әйтеп үтте. Район башкарма комитеты җитәкчесе урынбасары Булат Гыйлманов, район ЗАГС бүлеге җитәкчесе Рузалия Насыйбуллина да үзләренең тәбрикләү сүзләрен ирештерделәр.