6нчы апрель иртәсендә узган атналык киңәшмәдә районның авыл хуҗалыгы, социаль хезмәт күрсәтү, социаль объектлар төзү һәм төзекләндерү мәсьәләләре каралды.

2015 елның 6 апреле, дүшәмбе
6нчы апрель иртәсендә  узган атналык киңәшмәдә районның  авыл хуҗалыгы, социаль хезмәт күрсәтү, социаль объектлар төзү һәм төзекләндерү мәсьәләләре каралды.
Җитәкчеләр алдында авыл хуҗалыгы һәм азык-телек идарәсе җитәкчесе И.Заһидуллин чыгыш ясады. Сыерлар санын киметмәү һәм сөт җитештерүне үстерү  район экономикасы өчен бик әһәмиятле. Шуңа да районның  авыл хуҗалыгы белгечләре алдында сөт җитештерү күләмен арттыруны терлекләрне карау һәм ашатуны технологияләрне бозмыйча алып бару бурычы куела.
Республикада, икътисади кризиска каршы чаралар кысаларында, авыл хуҗалыгы ярминкәләре дәвам итә. Узган шимбәдә безнең  район чираттагы ярминкәдә катнашты. Район башлыгы 9 авыл җирлеге башлыгына оештыруга зур өлешләрен керткәннәре  өчен рәхмәтен белдерде. Һәм киләсе елда уздырылачак ярминкәләргә хәзердән үк әзерләнә башларга кирәк, диде. Моның өчен районның мәгариф бүлеге җитәкчесе Р.Әхмәтшинга мәктәпләрдә бәрәңге һәм яшелчәләрне күпләп үстерү бурычын куйды.
Р.Заһидуллин районда башланып киткән чисталык икеайлыгын нәтиҗәле үткәрүгә игьтибар юнәлтте. Районның территориясен тәртипкә китерү өчен барлык тиешле структураларның эшчәнлеген активлаштырырга, оешмалар, кибетләр, шәхси хуҗалыклар, җир кишәрлекләренең чисталагын тәэмин иттерү бурычларын куйды. Икеайлыкның барышы  район газетасы  битләрендә һәм  телевидение чыгарылышларында яктыртылачак, чисталыкны бозучы кешеләр  халыкка күрсәтеләчәк.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International