“Созвездие – Йолдызлык” ачык республика яшьләр телевизион эстрада сәнгате фестиваленең сайлап алу турлары тәмамланды

“Созвездие – Йолдызлык” ачык республика яшьләр телевизион эстрада сәнгате фестиваленең сайлап алу турлары тәмамланды. Соңгы, унынчы зональ тур Кайбыч районында үтте. Анда Кайбычның үзеннән кала Идел аръягында урнашкан җиде район: Апас, Буа, Чүпрәле, Югары Ослан, Кама Тамагы, Тәтеш балалары көч сынашты.

 Безнең районнан яшь талантлар сынатмады. “Хореография” номинациясендә Свияжскийның “Ләйсән” балалар бакчасы “Гармония” төркеме, Урта Балтайның “Хыял” бию коллективы махсус бүләккә лаек булды. “Вокал ансамбль” номинациясендә балалар сәнгать мәктәбенең “Шатлык” ансамбле I урынны яулады. “Вокал-соло” номинациясендә сәнгать мәктәбеннән Энҗе Туктагулова – I, Аделина Закирова – II, Морзалар мәктәбе укучысы Булат Фәтхелисламов – III урынга лаек булды. Җиңү яулаган биш номер Казанга – фестивальнең йомгаклау турына чакыру алды.