Бергә эшләсәң, авыр эш тә җиңел

Бүген Татарстанны үстерү эшендә һәркем катнаша ала. Бу – гомуми сүзләр генә түгел. Кичә республикада “Президент белән бергә” иҗти­магый хәрәкәте оешты. Ул республика, аның киләчәгенә карата битараф булмаган һәркемне берләштерүче көч булыр дип фаразлана.Башкалада “Без булдырабыз! Без бергә!” форумы узды. Анда республиканың төрле районнарында эш­ләү­че 40тан артык иҗти­магый оешмадан 300дән артык вә­кил катнашты.

“Алар барысы да – респуб­ликаның үсешенә үзеннән өлеш кертергә те­ләүче кешеләр, – дип сөйләде “Сәләт” фонды башкарма директоры Тимур Сөләй­манов. – Без барлык фикер­ләрне уртага салып сөйлә­шеп, алга таба нинди юнә­лешләр буенча эшләргә кирәклеген ачык­ларга телибез”. Моннан бер ай чамасы элек “Сәләт”тә “Пре­зидент белән бергә” иҗ­ти­магый инициативалар үзә­ге эшли башлаган иде инде. Яшьләр моның белән генә чик­ләнмичә, форум үткәрү теләген дә бел­дер­гән.

“Бүген мин Президентка ничек булыша алам? Әнә шул сорауга җавап эзләргә кирәк, – ди башкарма директор. – Рес­публика башлыгы әһәми­ятле юнәлеш­ләрне билгелә­де. Арада иң әһәмиятлесе, һичшиксез, Татарстанның 2030 елга ка­дәр социаль-икъ­тисадый үсеш стратегиясе. Проектны төзү эшендә һәр­кем катнашырга тиеш. Бөек Җи­ңүнең 70 еллыгы уңаен­нан да фикер-тәкъдим­нәре­без күп. Мәсәлән, Бөек Ватан сугышы ветераннары яшәгән йорт-фатир­ларны төзек­лән­дерү эшен оештырырга мөм­кин. Иң мөһиме – безне югарыда ишетәләр”.

Студентлар хезмәт отрядлары республика хәрә­кә­те җи­тәкчесе Ринат Садыков фи­керенчә, республика җи­тәкчелеге билге­ләгән икъ­ти­садый үсеш нокталарын тормышка ашы­ру өчен беренче чиратта кул көче ки­рәк. “Моны студентлар отрядлары эшләмәгәч, тагын кем башкарып чыксын?” – ди­де ул. Форумда катнашучылар әй­тү­енчә, Татарстанда яшәү­челәр республикада тор­мышка ашы­­рыла торган икътисадый һәм социаль про­грамма­лар­да турыдан-туры катнашырга тиеш. Биг­рәк тә бүгенге кебек катлаулы заманда бер­дәм булып яшәр­гә кирәк.

Яңа оешкан иҗтимагый хә­рәкәтнең дә төп максаты әнә шуннан гыйбарәт булачак. Әлеге мәйдан – кызык­лы тәкъдимнәр яңгырап торган урын гына булып кал­мыйча, фикердәшләрне бергә туп­лар, дип тә көтелә. Хәрәкәтне оештыручылар арасында “Ва­тан” берләш­мә­се”, “Татар­стан­ның иҗа­ди яшьләр академиясе” иҗтимагый оешмалары, “Умай” Идел буе гаилә академиясе” илкү­ләм иҗти­ма­гый оешма­сының төбәк­ара бүлеге, “Ак калфак” татар хатын-кызлары оешмалары да бар. “Президент бе­лән бер­гә” булучылар Татарстанда яшәү­челәрне килә­чәкне бергә­ләп хәл итәргә дә чакырды.