Сөекле шагыйребез туган көнен “Салават күпере” нәниләре дә зурлап билгеләп үткәннәр

Апасның “Салават күпере” балалар бакчасында балалар Габдулла Тукайга, аның иҗатына багышлап зур бер атналык оештырганнар. Атна буе барган төрле чараларга бакчаның барлык төркемнәре дә бик теләп әзерләнгәннәр.

– Балаларыбыз бәйрәмгә шигырьләр өйрәнделәр, тәрбияче апалары, әти-әниләре белән бергәләп Тукай әсәрләре буенча төрле күргәзмәләр әзерләрделәр, рәсемнәр ясадылар. Мондый чараларда катнашу, төрле күргәзмәләр оештыру баланың күңелен, сәләтен үстерә, гаиләдәге уңай мөнәсәбәтләрне ныгыта. Әти-әниләргә дә активлыклары өчен зур рәхмәт. Шулай бергәләп, бер йодрык булып эшләгәндә генә безнең эшләребез нәтиҗәле буладыр дип уйлыйм , – ди тәрбияче Раилә Гайнетдинова.