Каратун халкы Рушания апа Амановага зур ышаныч баглый
Каратун станциясендә 1977-94 елларда поезд белән Казаннан кайтарылучы почта, бандероль –посылкаларны сортлау, районга тарату пунктында хезмәт итеп, ул ябылгач, Рушания Аманова Апаста эшләп, 7 ел элек пенсиягә чыкты.
-Ирем Ринатны вакытсыз югалтуны бик авыр кичердем. Каратунның станция ягында почта таратучы булмау да халык өчен уңайлы түгел-өеңә килеп тормаган “Йолдыз”сыз ничек яшәмәк кирәк? Урамдашлар, улым Рөстәм, кызым Рамилә белән дә шул хакта киңәшләшеп, бераздан шушы эшкә алынырга уйлап торам-халык арасында булгач, кайгыларым да тизрәк таралыр. Каратун халкы да яраткан район газетасыннан аерылмас,шәт,-ди ул. Афәрин Рушания апа, район газетасына иң күп яздыручы почтальоннар арасында сезнең исем иң алда булачагына ышанабыз. Инде бүләген дә әзерли башладык, теләгегез Ходайның “Амин” дигән чагына туры килсен берүк!