Бөек шагыйребез Габдулла Тукайның 130 еллыгы уңаеннан район үзәк китапханәсендә “Тукай дөньясына сәяхәт“ Бөтенроссия акциясе кысаларында “Яттан сөйлә Тукай шигырьләрен, – шушы булыр иң зур бүләгең“дип исемләнгән бәйге узды. Биредә һәр авыл китапханәсе 5 яшьтән 18 яшькә кадәрге нәфис сүз осталарын алып килде. Мәртәбәле жюри иң оста сөйләүчеләрне сайлап алды. Алар Тукай бәйрәме көнендә чыгыш ясаячаклар.