19 июнь, якшәмбе көнне, “Алтын Алка“ Боз сараена Омскның “Авангард“ командасыннан Максим Пестушко, Хабаровскның “Амур“ командасыннан Алексей Угаров, Әлмәтнең “Нефтяник“ командасыннан Илшат Билалов килде. Алар 2000-2002 елгы Апас хоккейчыларын осталык серләренә өйрәттеләр. Танылган хоккейчылар егетләрнең тренеры Булат Хисамов белән Түбән Каманың хоккей мәктәбендә бергә укыган һәм бирегә дә аның чакыруы буенча килде. Мастер-класс тәмамланганнан соң, бозда Питрәч районының “Молния“ кызлар командасы белән хоккейчы егетләр иптәшләрчә очрашты.