Апас чәчәкләренә аерым су челтәре

-Чәчәк-куаклар, агачларга суны ешрак сипкән саен алар купшырак була,-ди Апас штп башкарма комитеты башлыгы Фәнис Шәрәфетдинов.-Бүген Апас урамнарында, Үзәк паркта меңләгән төрле чәчәк тирә-юньгә ямь биреп тора. Үзәк мәйдандагы чәчәк клумбаларын күбрәк район хакимияте коллективы, китапханәчеләр һәм бакчачы Рәис тәрбияли. Эшне җиңеләйтү максатыннан үзәк китапханә янәшәсендәге 50 тонналык су сыешлыгы өчен аерым мини-артезиан коесы казу башланды. Икенче шундый мини-скважина үзәк паркта казытылачак һәм аерым сыешлык кую күздә тотыла. Бу Апас коммуналь хуҗалык балансындагы урам су челтәренә, авыл җирлеге бюджетына йөкләнешне киметергә мөмкинлек бирәчәк.