Районга эшлекле визит белән Татарстан Дәүләт Советы рәисе Фәрит Мөхәммәтшин килде

Ул капиталь төзекләндерелгән Морзалар авылы мәдәният йортын ачты,Апас урта мәктәбендә, “Салават күпере“ балалар бакчасында һәм үзәк хастаханәдә булды, районның электр челтәрләре коллективы белән очрашты.

Үзәк хастаханә территориясендә Апас районы табибларына багышланган стелла, Татарстанның һәм Россиянең халык артисты, ТРның Г.Тукай исемендәге Дәүләт бүләге лауреаты Фәхри Хөсәен улы Насретдиновка һәйкәл ачу тантанасында катнашты.  

Бу көнне Үзәк ял паркы да ачылды. Башкала кунагын район башлыгы Рәшид Заһидуллин каршы алды һәм озатып йөрде.