Урта Балтай мәктәбендә “Игътибар, балалар!” айлыгы кысаларында юл кагыйдәләрен өйрәнүгә багышланган чара узды. Биредә юл иминлеге дәүләт инспекциясе хезмәткәре Марат Хөснетдинов катнашты. Ул җәйге каникулларны исән-имин уздырып җибәрү максатыннан таләп-кагыйдәләрне тагын бер кат укучыларның исләренә төшерде. Укучылар исә җырлар, шигырьләр аша белемнәрен күрсәттеләр.