Район мәдәният хезмәткәрләре ай саен хезмәтләренә хисап ясап, алга планнар билгелиләр. Бу юлы Болын-Балыкчы мәдәният йортында киңәшләштеләр алар. Җыелышта район башкарма комитеты җитәкчесе урынбасары Луиза Сафина, район мәдәният бүлеге җитәкчесе Рөстәм Мингазиев катнаштылар. Алдынгыларга Мактау грамоталары тапшырылды. Соңыннан җирлек үзешчәннәре бик матур концерт куйдылар.