Муниципаль районнар Апас муниципаль районы

ЯҢАЛЫКЛАР

апрель, 2015 ел

чәршәмбе

21 апрельдә И.Р.Гафуров гражданнарны кабул итә

21 апрельдә 14.00 дән 16.00 сәгатькә кадәр район Советы һәм башкарма комитетының кече утырышлар залында бишенче чакырылыш Дәүләт Советының 45нче номерлы Апас бермандатлы сайлау округыннан депутат И.Р.Гафуров һәм аның ярдәмчеләре шәхси мәсьәләләр буенча гражданнарны кабул итә. Алдан язылу өчен телефон: 21-5-56

апрель, 2015 ел

сишәмбе

Татарстанда “Иң яхшы билингваль балалар бакчасы” конкурсы старт ала

“Иң яхшы билингваль балалар бакчасы” республика конкурсы 15 апрельдә старт ала. Ул 20 майга кадәр дәвам итәчәк. Конкурс нәтиҗәләре буенча Татарстанның ике дәүләт теле – татар һәм рус телләрен өйрәтүдә югары күрсәткечләргә ирешкән балалар бакчаларына 1 миллион сум күләмендә республика гранты тапшырыла.

Районда үз игътибарсызлыгы аркасында 14 кеше паспортсыз калган

Районның миграция хезмәте җитәкчесе Айрат Сафиуллин сүзләренчә, быел районда 14 кеше паспортын югалткан. Урлатучылар юк. Шунысын да онытмаска кирәк, хәзер паспорт югалту, ягъни, яңасын алу 1500 сумга төшә. Әле бу суммага 300 сум штраф та өстәләчәк. Игътибарсызлыкның бәясе – кыйммәт.

Бергә эшләсәң, авыр эш тә җиңел

Бүген Татарстанны үстерү эшендә һәркем катнаша ала. Бу – гомуми сүзләр генә түгел. Кичә республикада “Президент белән бергә” иҗтимагый хәрәкәте оешты. Ул республика, аның киләчәгенә карата битараф булмаган һәркемне берләштерүче көч булыр дип фаразлана.Башкалада “Без булдырабыз! Без бергә!” форумы узды. Анда республиканың төрле районнарында эшләүче 40тан артык иҗтимагый оешмадан 300дән артык вәкил катнашты.

Апас мәктәбендә буыннар очрашуы

Апас мәктәбендә район үзәгендә яшәүче сугыш чоры балалары мәктәп укучылары белән очраштылар. Өлкәннәр үзләре кичергән кыенлыклар, ачлы-туклы эшләп, укып йөрүләре турында күз яшьләре аша сөйләделәр, сугыш чоры җырларын җырладылар. Укучылар да өлкәннәргә җыр-биюләрен бүләк иттеләр. Очрашудан һәркем канәгать калды.

Газ өчен түләү һәм приборлар күрсәткечләрен кертү информатлар аша да мөмкин

“Электрон Татарстан” информатлары аша “Газпром Трансгаз Казань” ААҖ оешмасы тәкъдим иткән газ өчен түләүләр һәм приборлар күрсәткечләрен кертү мөмкинлеге булдырылды. Түләү өчен информатта махсус урынга штрих-кодны куярга кирәк, яисә кодны үзеңә җыю мөһим.

апрель, 2015 ел

дүшәмбе

Апаслыларны “Башваткыч” тапшыруына чакырганнар

Иртәгә бертөркем апаслылар “Татарстан-Яңа Гасыр” телеканалында бара торган “Башваткыч” тапшыруына кунакка барачаклар. Ә без исә якташларыбыз катнашкан “Башваткыч” тапшыруын тиздән “Татарстан-Яңа Гасыр” телеканалыннан карый алачакбыз.

Бүген Апаста ГТО нормаларын тапшыру башлана

ГТО (“Готов к труду и обороне”–“Хезмәткә һәм оборонага әзер”) нормалары турында күпләр хәбәрдардыр, мөгаен. Өлкән буын вәкилләре моның белән яшьлек елларыннан ук таныш булса, ә ГТО турында ишетеп кенә үскөн яшь буын өчен хәзер мөмкинлек туды.

Апаста исә ГТО нормаларын 13-14 апрель көннәрендә аграр көллият спорт залында тапшыру мөмкин булачак. Башлана 14.00 сәгатьтә.

Апас йөзүчеләре – беренче

Буада Бөек Җиңүнең 70 еллыгы уңаеннан йөзү буенча районара ярышлар узды. Алты район спортчылары арасында апаслылар да бар иде. “Дулкын” бассейнында шөгыльләнүче Даниэль Малиновский 100 метр ирекле, аркада, 50 метр брасс стильләрендә уңышлы чыгыш ясап, һәрберсендә беренче урынны яулады.

Апаслылар май бәйрәмнәрендә ничек ял итә

Хезмәт һәм яз бәйрәмендә 1 сеннән алып 4 майга кадәр ял итәбез. Исегезгә төшерәбез: 4 гыйнвардагы ял көне 4 майга күчерелә.
Бөек Җиңүнең 70 еллыгын бәйрәм иткән көннәрдә дә яллар шактый булачак. 9, 10, 11 май – өч көн ял. 9 май көне якшәмбегә туры килү сәбәпле, ял көне дүшәмбе -11 майга күчерелә.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ