Муниципаль районнар Апас муниципаль районы

ЯҢАЛЫКЛАР

июнь, 2015 ел

сишәмбе

Апасның 14 яшүсмере Россия гражданины булды

Апаста май, июнь айларында 14 яше тулган яшүсмерләргә тантаналы шартларда паспортлар бирелде. Район хакимияте, туган якны өйрәнү музее, район мәдәният бүлеге яшьләр һәм аларның әти-әниләре өчен онытылмас мизгелләр бүләк итте. Егет-кызлар паспорт һәм дәүләт символлары турында бик күп мәгълүмат алдылар, тарихи викторинада катнаштылар. Алар өчен район мәдәният йорты хезмәткәрләре Рамилә Вавилова белән Айрат Айтуганов җырларын бүләк итте.

Район авыллары да юллы булачак

Иске Әнәле авылында Совет-Елга-Карл Маркс урамнары арасындагы тыкрыкка 400 метр озынлыкта таш түшәлеп, мәңге хәл ителмәслек булып тоелган уңай хәл ителәчәк. Моннан тыш, К.Маркс урамында 500 метр, Вахитов урамында 500 метр, Елга урамында 200 метр, Совет урамында 250 метр һәм Мәктәп урамында 500 метр юлга чыдам таш җәелечәк.

Яшьләр көнендө апаслыларны җырчы Мәликә сәламләде

Узган шимбәдә Апаста үткән яшьләр бәйрәменә яшь җырчы Мәликә килгән иде. Ул барлык апаслыларны бәйрәм белән котлап, матур җырларын бүләк итте. Аның моңнарына балалар, яшьләр рәхәтләнеп биеделәр, кул чаптылар, кушылып җырладылар.

Апас мәктәбе укучысы Аида Габдрахманова Бөтенроссия һәм Татарстан медальләренә ия булды

Аида өчен бу ел аеруча зур уңыш китерде. Ул барлык сынауларны лаеклы башкарып чыкты һәм югары бәя алды. Зур тырышлыгы нәтиҗәсе буларак, Аида Габдрахманова “Укуда аерым уңышлары" өчен “Бөтенроссия медале” һәм Татарстан Республикасы медаленә дә лаек булды. Котлыйбыз! Алга таба да Аидага зур уңышлар телибез!

Апас районы мәктәпләре кошчыкларын очырды

Быел районда 11 классны 115 укучы тәмамлады.

Узган шимбәдә алар иң истәлекле бәйрәмгә – чыгарылыш кичәсенә җыелдылар. Алар тормышында бу күңелле мизгелләр гомере буена сакланачак. Чыннан да аллы-гөлле күлмәкләрдән бирегә килгән кызлар, егетләр йөзендә бары шатлыклы елмаю, бәхет нуры бөркелгән булса, әти-әниләренең исә күзләрендә йөрәкләреннән чыккан кайнар күз яшьләре ялтырады. Алар газиз балалары белән бер горурланып куйсалар, шул ук вакытта борчылдылар.

июнь, 2015 ел

җомга

Апаста яшьләр көне уңаеннан зур бәйрәм үтәчәк

27 июнь, шимбә көнне, 19.00 сәгатьтә район мәдәният йорты каршында Яшьләр көне билгеләп үтелә. Бәйрәмгә яшь җырчы Мәликәнең дә килүе көтелә. Яшьләрне һәм яшь күңелле барлык райондашларны күңел ачарга чакырабыз.

Район укучылары мәктәп белән саубуллаша

Быел районда 11 классны 115 укучы тәмамлый.

Апас районы мәктәпләре кошчыкларын очыра. 27 июнь, шимбә көнне, 17.00 сәгатьтә район мәдәният йортында чыгарылыш кичәсе була.

Апас яктыра: тиздән бу яктылык авылларга да таралачак

Май аенда ук Апасның әйләнеч юлының 2,5 километрлык өлеше юл хәрәкәте иминлеге Россия програмасы буенча иң заманча оптик-диодлы яктыртычлар белән җиһазланды. Унар метр озынлыктагы, соңгы дизайн белән эшләнгән тимер баганаларга куелган нибары 100 ваттлы гына инновацияле лампочкалар 1000 ваттлы гади “Ильич лампочкаларыннан” да арттырып 70 метр саен юлга яктылык сибә-төнлә энә табырлык хәзер биредә, – ди район башкарма комитеты җитәкчесе урынбасары Айрат Хәсәнов. –Үзебезнең көч һәм мөмкинлек белән бирегә 4 ел элек куелган яктырткычлар сүтеп алынды һәм башка авыл җирлекләрендә урам-тыкрыкларны яктыртуга монтажланачак.

Язмышыңа язылган булса: Картлар йортларында гомер кичерүче райондашларыбыз туган якларыннан сәлам көтеп яши

Бүгенге көндә тирә-як районнардагы Картлар йортларында барлыгы 14 райондашыбыз тәрбияләнә. Шунысы сөенечле, районда бәйрәмнәрдә алар янына барып хәл-әхвәлләрен белеп, күчтәнәчләр тапшырып кайту традициясе яши.Биредә эшләүчеләр әйтүенә караганда, алар район делегациясен атна-ун көн алда көтә башлыйлар икән. Халкыбызның милли бәйрәме Сабан туе алдыннан бу райондашларыбыз кабат район башлыгы исеменнән күчтәнәчләр һәм котлау открыткалары кабул иттеләр.

Киләсе елда безне бер ай ял көтә

Россия Хезмәт министрлыгы 2016 елгы бәйрәмнәргә кагылышлы ял көннәрен күчерү турындагы канун проектын әзерләде. Киләсе елга безне бер ай диярлек бәйрәм яллары көтә,– дип яза intertat.ru.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ