ЯҢАЛЫКЛАР

17
август, 2015 ел
дүшәмбе
Район фермерлары илебез табынын баетуда үзләреннән саллы өлеш кертәләр
Рөстәм Миңнеханов карары нигезендә, Татарстанда 30 уникаль программа дәвам итә. Шуларның берсе – авыл хуҗалыгы тармагын тагын да үстерү максатыннан, авыл хуҗалыгы хезмәтчәннәренә күбрәк ярдәм итүгә нигезләнгән.
Район урманнары махсус сак астында тора
Районыбыз 1000 квадрат мәйдан били. Шуның 8 процентын урман-куаклыклар, юл-чокыр, басу читләрендәге ышыклагыч  посадкалар каплаган. Барлык урманнарның 12 процент өлеше ылыслыларга туры килә.
Район элемтәчеләре кабель үткәргечләрне яңача урнаштыралар
Район элемтәчеләре урам юлларын, асфальтны бозмыйча гына эшләргә өйрәнделәр. Апасның Совет, Муса Җәлил урамында горизонталь бораулау агрегатлары белән 1 километр озынлыкта җир  астыннан тишеп, кабель үткәргечләр урнаштырылды. Элекке технология буенча чыгымнар 5 тапкырга артык булачак иде.
Районда балаларның ут белән уйнавы аркасында килеп чыккан өч янгын очрагы теркәлгән
Район янгын күзәтчелеге  дәүләт инспекторы Илдар Вәлиев белдерүенчә, балаларның ут белән уйнавы, саксызлык аркасында өч янгын очрагы теркәлгән.
14
август, 2015 ел
җомга
Районда үлән басуларында икенче кат сенаж-печән әзерләү эшләре башланды
Икенче катка бик мул, куе булып өлгергән күп еллык һәм бер еллык үлән басуларында сенаж-печән әзерләү эшләре башланды. Бу мәйдан районда барлык чәчү җирләренең 22 процент өлешен били, гомуми күләме-15 мең гектар.
Районның “Яшь десантчы” балалар хәрби-патриотик палаткалы җәйге шәһәрчегендә быел 350 бала ял иткән
16 июнь-21 июльдә “Зөя” балалар ял-сәламәтләндерү Үзәгендә “Яшь десантчы” балалар хәрби-патриотик палаткалы җәйге шәһәрчегендә 4 сменада Апас, Буа, Тәтеш, Кайбыч, Чүпрәле, Югары Ослан, Кама Тамагы районнарыннан 350 бала ял итте.
Апас үзәгендә үткән шоу-тамашада 500 ләп кеше катнашкан
Апас үзәгендә, фонтаннар шавы астында 12 август кичендә үткән өченче “Зәлидә” халык уеннарына 500 кеше килде. Катнашучылар арасында район авылларыннан кунаклар дә бик күп иде. Эшмәкәрләр мәйданның бер читендә батут, поп-корн, мамык-шикәр ясаучы аппаратлары белән бар халыкка хезмәт күрсәттеләр. Район мәдәният йорты оештырган чәй табыны янында 250 ләп кеше тамак ялгап алды. Киләсе “Зәлидә”-19 августта! Килегез, биегез, җырлагыз, күңелле ял итегез! Тамаша-шоу кичке 6 да башланачак.
Районда даруга ташламаларга хокуклы 2709 кешенең 1800е файдалануны кирәксенмичә баш тартып гариза язган
-Безгә бу ташламалардан баш тартучы 100гә якын апаслының вакытсыз үлүе билгеле. Туганнары даруларның кыйммәт булып аларны сатып алырга акча җитмәве турында бүген ачынып сөйлиләр, бушлай бирелергә тиешле шул дарулары  булса алар әле яшәгән булыр иде, белә торып гомерләрен акчага алыштырдылар дип уфтаналар,-ди районның баш табибы Линар Әхмәтянов.
Соңгы араларда район табибларына аяк-кулын эт-мәче тешләгән, тырнаган 32 апаслы мөрәҗәгать иткән
1 августка район табибларына һәм ветеринария идарәсе белгечләренә аяк-кулын эт-мәче тешләгән, тырнаган 32 апаслы мөрәҗәгать иткән. Алар кеше тәненә салган кечкенә генә яраның да куркыныч тудыруын аңлаучылар шундук белгечләргә йөгерә-столбняк авыруы бер хәл, котыру авыруы дигәннәре дә бар хәзер бу җиһанда! Котыру авырулы төлке, мәче-этнең селәгәе белән күчүче бу вирус кеше организмына эләксә очлыклардагы нерв системасын җимерә башлый. Аннан үзәк нерв системасына, арка миенә үтә, Кешенең баш миенә килеп җиткәч соң була инде-кешене коткару мөмкин түгел дип санала. Ел башыннан шушы йогышлы авыру, вирус йөртүче эт-мәчеләр 8 торак пунктта 13 тапкыр кешеләргә, йорт хайваннарына ташланды. Биологик тикшеренүләр, анализ нәтиҗәләре расланып, бу кыргыйлашкан, иясез һәм йорт хайваннары, аларның түшкәләре юк ителде, яки табиблар күзәтүе астында үз үлемнәре белән үлде.
13
август, 2015 ел
пәнҗешәмбе
Районда барган урып-жыю эшләрендә яшьләр дә актив катнаша
Агрофирманың Горбунов берләшмәсе игенчеләрен тәмле, кайнар аш-су белән көнгә 4 тапкыр сыйлаучы, басудан киткән ашлыкның төгәл исәбен алып баручы Ания Ефремова, Альбина Тимеркина һәм Ләйсән Гыйлаҗева җәйләрен тынгысыз хезмәттә үткәрәләр. Киләчәктә дә алар үзләренең тормышларын да авыл хуҗалыгы белән бәйләргә җыеналар. 
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International