Апаста өлкәннәр арасында шашка-шахмат ярышлары узды

6 февраль 2020 ел., пәнҗешәмбе

Бәйгедә 55 яшьтән узган хатын-кызлар, 60тан өлкән ир-атлар катнашты. Чара Бөек Җиңүнең 75 еллыгына, ТАССРның 100 еллыгына багышланды. Җиңүчеләр Буада зона ярышларында көч сынашачак. Бу хакта районның яшьләр эше һәм спорт бүлеге җитәкчесе Рафис Хәбибуллин хәбәр итте.

Ярышка өлкәннәр теләп килде. Рәхәтләнеп аралашты, сөйләште, ярышты, тәмле чәйләр эчте алар. Универсал спорт залына гармун моңнары таралды. Зур Күккүздә яшәүче Радик абый Сабиров зирәклектә ярышучы чордашларын яшьлекләренә алып кайтты.
“Ярышларны көтеп алабыз. Үзе бер бәйрәм бит ул. Җиңсәк тә, җиңелсәк тә күтәренке күңел белән кайтабыз“, – диде Апастан Мәрьям апа Хәйрова.
Ярышларны ачу тантанасында район башкарма комитеты җитәкчесе урынбасары Луиза Сафина, районның Пенсия фонды бүлеге җитәкчесе Илгизәр Вәлиәхмәтов, Россия пенсионерлар берлегенең район бүлеге җитәкчесе Фәрит Кәлимуллин, районның балалар һәм спорт мәктәбе директоры Ринат Шәяхмәтов катнашты һәм чыгыш ясады.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International