ЯҢАЛЫКЛАР

Төбәк һәм Табар Черкене авылларының христиан дине тарафдарлары ике зур вакыйга шаһитлары булдылар. 10 августта Төбәк Черкенендә элеккеге, соңыннан колхоз амбары, авыл клубы вазифасын үтәп, 20 ел элек балалар шуклыгы белән янып көлгә әйләнгән чиркәү нигезенә таш куелды.

 – Тиздән бу урында халык иганәсе белән җыелган акчаларга кечерәк кенә яңа Петропавел чиркәве төзелеше башларга ниятләдек, – ди бу изге эш башында торучы, төзелешнең халык приход-Советы башлыгы Галина Экимеева.

 Ә 5 июньдә Табар Черкене зираты урамында бик җыйнак кына итеп төзелгән часовняны ачу тантанасы узды, бу яңа дини корылма халык акчасына төзелде.

 – Авыл халкын берләштереп, изге эш башында торучы Виталий Васильев, ташчылар бригадиры Николай Шашкин, төзүчеләребезгә бик зур рәхмәт, – ди Табар Черкене авыл җирлеге секретаре Ольга Сусарина. Якын көннәрдә часовняда иконалар да урнаштырылачак.

Россия Хөкүмәтенең быелның 15 мартта кабул ителгән Карарына үзгәртмәләр кертелде, – ди район прокуроры урынбасары Фатыйх Хафизов.   – Анда документларны электрон формада биргән очракта гражданнарны тору урыны буенча миграцион дәүләт исәбенә кую вакыты билгеләнә. Тиешле документларны үзең килеп, кәгазь  вариантта  биргән кебек үк, аларны электрон вариантта тапшырганда да кешене миграция исәбенә кую вакыты хәзер 8 эш көнендә башкарылырга тиеш. Гражданны фиктив исәпкә кую төшенчәсе, бу гамәле өчен гаеплеләргә каралган җәза төрләре ачыклана. Теркәлүнең ялган булып, ул кеше шушы күрсәтелгән адрес буенча яшәмәсә, ул миграция җирле органнары карары белән бу исәптән төшерелә. Фатирда миграция теркәлње узмаган гражданнар яшәгән очракларда миграция хезмәтенә бу хакта мөрәҗәгать итү һәм чара күрү тәртибе аңлатыла. Үз өендә яшђүченең миграция теркәлње булмаган очракларда  фатир хуҗасы  бу хакта дәүләт теркәү органына үзе хәбәр итәргә, махсус гариза (уведомление) тапшырырга тиеш.

Читтән килүчеләр, вакытлыча эш эзләп кайтучыларның район миграция хезмәтендә тиешенчә теркәлүен тәэмин итү халык саны, аның хәрәкәте, демография күрсәткечләреннән тыш безнең иминлек һәм тынычлыгыбыз нигез ташы булуын һичкайчан онытырга ярамый.

Спорт мастеры Ринат Гыйламов бик күп көрәшчеләрнең остазы. Бу көннәрдә аңа “Татарстан Республикасының Атказанган физик культура хезмәткәре” дигән мактаулы исем бирелде. Бу олы бүләкне Рәшид Заһидуллин тантаналы шартларда җомга киңәшмәсендә тапшырды.

Җомга киңәшмәсендә Рәшид Заһидуллин район үзәк хастаханәсенең баш табиб урынбасары, “Татарстан республикасының атказанган табибы”, хирург Рөстәм Гайнуллиннны күркәм юбилее уңаеннан тәбрикләп, Рәхмәт хаты һәм истәлекле бүләк тапшырды.

Районыбыз көннән-көн ямьләнә, матурлана, берсеннән-берсе күркәм, заманча социаль объектлар эшләнә, файдаланылуга тапшырыла. Гомумән, нинди генә өлкәне алсак та, алга китеш күз алдында. Болар барысы да республикакүләм программаларга нигезләнеп эшләнелә.

Савия апа Гыйззәтуллина белән Әлфия Һадиева җитәкчелегендә 15 бала ун көн дәвамында авыл зиратын чистарталар. Авыл балалары белән берлектә биредә Казан, Түбән Кама, Төмәннән кунакка кайтучы балалар да бар. Алар хезмәте сокланырлык һәм һәркемгә үрнәк. Өмәдә эшләүчеләр өчен Савия апалары һәркөн кайнар ризык та хәзерли.

Тулырак язманы газетадан укый аласыз.

Шушы көннәрдә Каратун авыл җирлегендә халык белән очрашулар булып узды. Район башлыгы урынбасары Гөлчәчәк Мәүлетова районда бара торган эшләр, киләчәккә планнар белән таныштырды. Каратун җирлеге башлыгы Радик Исмәгыйлев җирлектә башкарылган эшләр буенча хисап тотты һәм киләчәктә эшләнәсе эшләргә дә тукталды. Шулай ук халыкның сорауларына да җавап биреп, кайбер мөһим мәсьәләләр урында ук хәл ителде. Халык җыеннары дәвам итә.

Караборнаш авылында гомер кичергән Минќиџан әби Бакирова олуг юбилеен каршылады. Рәсәй Президентыныћ Котлау открыткасына џәм район башлыгы тапшырган истәлекле бњләккә канәгать калды ул. Балалары тәрбиясендә яшәњче Минќиџан әби илгә-кљнгә иминлек, џәркемгә сәламәтлек теләде.

Район авыл хуќалыгы џәм азык-тљлек идарәсеннән алынган мәгълњматлардан књренгәнчә, район буенча бњгенге кљнгә 40120 тонна бљртек ќыеп алынган. Район буенча бер гектардан уртача 23,3 центнер ућыш чыга. Арышныћ бер гектарыннан 25,7 центнер, кљзге бодайдан 23,2 центнер, арпадан 23,9 центнер, язгы бодайдан 18,0 центнер, солыдан 25,7 центнер, борчакныћ џәр гектарыннан 14,5 центнер ућыш ќыела.

Урып-ќыю эшләре барлык мәйданныћ 61,5 процентында тљгәлләнгән.

Барлыгы 7600 тонна салам, 10520 тонна печән, 420 тонна яфраказык хәзерләнгән, 65900 тонна сенаж салынган.

10 август көнне район мәдәният йортында район башлыгы Рәшид Заһидуллин халык белән очрашты. Биредә округларда булган очрашуларга нәтиҗәләр ясалды, шактый сораулар урында хәл ителде. 

 – Барлык мәсьәләләрне дә бер көндә генә хәл итеп булмый, күреп торабыз тормышларыбыз уңай якка үзгәрә бара, урамнарыбыз көннән-көн ямьләнә, уңайлылыклар арта. Сездән килгән сорауларның барысы да хәл ителәчәк. Барысы да үзебез өчен, үзебезнең яшәеш өчен кирәк, иң мөһиме сәламәт булыйк, ил-көннәребез тыныч булсын, – диде район башлыгы. Ул шулай ук киләсе елларда Апасыбыз урамнарына яңа юллар салыначагын, су, канализация юлларының яңартылачагын да әйтеп узды.