ЯҢАЛЫКЛАР
Бүген, ягъни 17июльдә, районга эшлекле визит белән Татарстан электр челтәре генераль директоры Илшат Фәрдиев килде. Аны район башлыгы Рәшид Заһидуллин каршы алды һәм озатып йөрде.
Районыбыз авыр югалту кичерде – 11 июльдә, 41 яшендә, нәкъ менә гомеренең яшим дип яшьнәгән, киләчәккә мең төрле хыяллар, планнар белән янган мизгелендә Әлмәндәр авыл җирлеге башлыгы, Әлмәндәр авыл җирлеге һәм район Советы депутаты Наилә Мансур кызы Камалиева вакытсыз арабыздан китте. Әлеге ачы хакыйкать белән килешүе авыр, бик авыр.
Горбунов исемендәге берләшмәнең Урта Балтай бүлекчәсе комбайнчылары Илдус Кәлимуллин һәм Марсель Сәлахов «Нью-холланд» комбайнын тиешенчә көйләп, басуга турыдан-туры урып-суктыруга тыныч күңел белән чыктылар.
Ел саен “Мәктәпкә җыенырга булыш!” акциясе кысаларында Апас муниципаль районында зур эшләр алып барыла. Балаларга кыйммәтле бүләкләр, акчалата премияләр тапшырыла.
8 июльдә ил күләмендә билгеләнеп үтелгән Гаилә, мәхәббәт һәм тугрылык көне уңаеннан Чирмешән авылы мәдәният йортында эчтәлекле кичә үтте. Тантананың төп геройлары – бер-берсенә булган мәхәббәтләренә 59 ел дәвамында тугры калган, 3 бала тәрбияләп үстергән Равил һәм Наилә Ибраһимовлар иде. Аларга “Мәхәббәт һәм тугрылык өчен” медале һәм район башлыгының Рәхмәт хаты, истәлекле бүләк тапшырылды.
Әлеге котлау һәм истәлекле бүләккә беренчеләрдән булып Көлкәш авылы егете Дамир Мурзин белән Чәтбаш авылы кызы Наилә Нәҗмиевалар ия булды. Район башлыгы урынбасары Гөлчәчәк Мәүлетова яшь парларны район Советы һәм башкарма комитеты, район башлыгы исеменнән никахлашу көннәре белән котлады. Районда үрнәк, тату гаилә булып яшәүләрен теләде.
Соңгы елларда республикабызда яңа уку елы алдыннан күп балалы, аз тәэмин ителгән гаиләләргә, тәрбиягә бала алучыларга, мөмкинлекләре чикләнгән балалары булган гаиләләргә һәм башкаларга адреслы социаль ярдәм күрсәтү буенча “Мәктәпкә җыенырга булыш!” акциясен үткәрү күркәм традициягә әйләнде.