Муниципаль районнар Апас муниципаль районы

ЯҢАЛЫКЛАР

июль, 2015 ел

пәнҗешәмбе

Казанга юл тотучы машина йөртүче апаслылар игътибарына

Казан урамнарындагы махсус полосалар 17 августка кадәр гамәлдә булачак

– Су спорты төрләре буенча дөнья чемпионатын уздырган вакытта җәмәгать транспорты һәм махсус транспортлар өчен төшерелгән вакытлыча полосаларның гамәлдә булу вакытын “Мастерс” категориясендәге чемпионат беткәнчегә кадәр озайттылар. Кызгылт сары” полосаларның гамәлдә булуының соңгы көне – 16 август. 17 августтан башлап Татарстан башкаласында махсус полосаларга чыккан өчен штраф салынмаячак, – дип дип яза intertat.ru.

Роспотребнадзор апаслыларга иртә өлгергән карбызларны сатып алмаска киңәш итә

Җәй ул җиләк-җимешнең күпләп өлгергән чоры. Кибеткә кергәч үк, күз тизрәк җиләк-җимеш киштәләренә төшә. Соңгы вакытта Апаста да карбыз сатып алучылар күренә башлады. Тик, ТР буенча Россия кулланучылар күзәтчелегенең ТР буенча идарәсе белгечләре әлегә карбызны сатып алмаска киңәш итә. Алар фикеренчә, бакча культураларының өлгерү вакыты август аена туры килә. Ә хәзер сатылучы карбыз-кавыннар исә нитратлы булырга мөмкиннәр. Чөнки тизрәк өлгертү өчен фермерлар төрле ашламалар һәм шулай ук туфракта нитратлар барлыкка китерә торган азотлы ашлама кулланырга мөмкиннәр. Бу матдә, гадәттә, карбызга сеңеп аның йомшак өлешендә туплана. Карбызда нитрат килограммына 60 мг нан артмаска тиеш икән. Ә тикшерүләр исә бу төр иртә өлгергән карбызларда аның 10 тапкырга артык булуын күрсәткән. Нитрат кеше организмы өчен бик зарарлы. Аның белән агулануның беренчел билгеләре: баш авырту, күңел болгану, косу, тырнак, бит, иреннәрнең зәңгәрләнүе. Ә йөкле хатыннарга хәтта балаларын югалту куркынычы да яный.

июль, 2015 ел

чәршәмбе

Апаска Татарстан Лидеры Рөстәм Миңнеханов килде

21 июльдә Апаска, чираттагы эш сәфәре кысаларында, Татарстан Лидеры Рөстәм Миңнеханов килде. Ул Иске Әнәле авылында клуб ачылу, район үзәгендә ЗАГС һәм беренче номерлы суд участогы бинасын ачу тантанасында катнашты, район үзәк хастаханәсендәге капиталь төзекләндерү эшенең барышы белән танышты. Шуннан соң Рөстәм Миңнеханов район үзәгендәге үзгәрешләр белән танышты һәм Батырлар мемориал комплексына Берлиндагы туганнар каберлегеннән алып кайтылган туфракларны салу тантанасында катнашты, Мәңгелек ут янына чәчәкләр салды.

Районда бакча яшендәге балалар өчен уңайлылыклар арта бара

Районда 36 балалар бакчасы бар. Аларда 835 бала тәрбияләнә. Әти-әниләр һәм балалар өчен уңайлылыклар арта бара.

Район мәгариф бүлеге җитәкчесе Ранис Әхмәтшин белдерүенчә, киләсе елга республика программасына нигезләнеп, “Салават күпере” балалар бакчасы капиталь төзекләндереләчәк. Әле күптән түгел генә биредә 30 балага исәпләнгән яңа группа ачылган иде. Бүгенге көндә исә “Кояшкай” бакчасында төзекләндерү эшләре дәвам итә. Анда шулай ук 30 балага исәпләнгән яңа группа ачылачак. Берничә ел элек Түбән Барыш һәм Дүртиле авылларында нәниләрнең саны аз булу сәбәпле, балалар бакчалары ябылган иде. Хәзер исә бу авылларда бакчалар кабаттан ачылды.

– Киләчәк буынны кайгырту республика һәм район җитәкчелегенең төп максатларының берсе, – ди ул.

Апас районы авылларында ифтар мәҗлесләре узды

Мәчеткә йөрүчеләребез арта. Көздән балалар, олылар өчен укулар оештырабыз. Җомга намазына йөрүче арасында яшьләр дә бар, без моңа сөенәбез. Шундый мул табыннарда ифтар мәҗлесе оештыручыларга рәхмәтебезне җиткерәбез, эшләре гөрләп барсын, гаиләләре тигез, дус-тату булсын, – диләр авыл муллалары

Апас районында 54 нче мәчет ачылды

Изге Рамазан ае Акхуҗа авылы халкы өчен үзгә бер истәлекле булды. Биредә авылга ямь биреп мәчет ачылды. Читтән ярдәм көтеп тормаган алар, үз көчләре, бердәмлекләре, тырышлыклары белән барысын да булдырганнар.

Апаста туйлар гөрли

Кече Күккүз егете Руслан Вәлиев белән Апас кызы Ләйсән Вафина Кызыл туйларын билгеләп үтте. Яшь гаилә киләчәктә туган төбәгебездә төпләнеп калып, районыбызның үсеше өчен өлеш кертергә уйлый. Аларга район башлыгының Котлау хаты һәм истәлекле бүләк тапшырылды.

июль, 2015 ел

сишәмбе

Урта Балтай авылында гомер итүче Шәмсекамәр әби Гыйззәтуллинага 90 яшь тулды

Аны район башлыгы Рәшид Заһидуллин катлап Рәсәй Президентының Котлау хатын тапшырды. Агрофирманың бүлекчә җитәкчесе Рамил Шәрәфуллин, авыл җирлеге башлыгы Рифкат Хәбибуллин тәбрикләп бүләкләрен бирделәр.

Каратун авыл җирлеге буенча ифтар мәҗлесенә 250 кеше чакырылган

Каратун бистәсендә яшәүчеләр өчен ифтар мәҗлесе мәктәптә оештырылды. Бирегә 50 кеше килгән иде. Район башкарма комитеты җитәкчесе Равил Хисаметдинов кыскача райондагы уңай үзгәрешләр, яңалыклар белән таныштырды. Кылган догаларның кабул булуын теләп, һәркемгә уңышлар юллады. Аның һәр сүзе, теләгенә мәҗлестәгеләр канәгатъ булып, “Амин“ дип әйтеп тордылар. Мөхтәсиб Мирхәт хәзрәтнең вәгазьләре, Төркия кунагы Сабри Айдинның бик тә күркәм тавыш белән коръән аятьләре укып, азан әйтүе һәркемнең күңеленә хуш килде.

Әлмәндәр авыл җирлегенең өч авылында да ифтар мәҗлесе узды

Районыбызда дин юлына басучылар, динебезне хөрмәт итеп аның кануннарын тиешенчә үтәүчеләр, ихластан игелек кылучылар елдан-ел арта бара. Изге Рамазан аенда бу аеруча ачык чагыла. Елдагыча авылларда, оешмаларда ифтар мәҗлесләре оештырылды. 15 июль көнне Әлмәндәр авыл җирлегенең өч авылында да ифтар мәҗлесе узды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ