ЯҢАЛЫКЛАР

27
июль, 2015 ел
дүшәмбе
Районның терлекчелек буенча белгече республикада өченче урын яулады
Питрәч районында узган 42 нче республикакүләм савымчылар бәйгесендә берүк вакытта терлекчелек буенча белгечләр дә ярышты. Район авыл хуҗалыгы һәм азык-төлек идарәсенең терлекчелек буенча белгеч-консультанты Искәндәр Шәмсетдинов республика буенча өченче урынны алды һәм Диплом, медаль һәм истәлекле бүләк белән бүләкләнде.
“Рәхимов” хуҗалыгы механизаторы Айрат Җиһангировка Мактау Грамотасы тапшырдылар
Кемдер бәхетне акчада, кемдер сәламәтлектә, кемдер яраткан хезмәтендә күрә. Кормаш авылында туып-үскән, бүгенге көндә “Рәхимов” хуҗалыгында алдынгы механизатор Айрат Җиһангиров туган авылында яшәп, басу-кырларда хезмәт итүен бәхеткә тиңли.
Каратун мәктәбе укучылары “Алтын каләм” республика фестивалендә катнаштылар
Каратуннан Фирүзә Садриева, Рамия Сираҗева, Регина Трубачева, Регина Тимергазиева, Эльвира Биктимерова, Айзилә Сөләйманова яшь иҗатчыларның егерменче “Алтын каләм” республика фестиваленнән зур тәэсирләр белән кайттылар.
Быел районда “Яшь гаилә” программасы буенча 6 гаилә йорт салу эшенә керешкән

“Яшь гаилә” программасынан 2014 елда 25 гаилә файдаланган. Быел 6 гаилә әлеге программа нигезендә йорт салу эшенә керешкән.

“Яшь гаилә” программасы нигезендә 150 гаилә чиратта тора. Әлеге программага яшь гаиләләр, 35 яшькәчә яшь белгечләр баса ала.
24
июль, 2015 ел
җомга
Иске Әнәле халкының хыялы тормышка ашты
Бу көннәрдә Иске Әнәле авылында зур бәйрәм рухы хакимлек итә. Чөнки биредә яңа клуб ачылды. Апаска эш сәфәре белән килгән Татарстан Президенты вазифаларын вакытлыча башкаручы Рөстәм Миңнеханов эш визитын Иске Әнәле авылындагы клубны ачудан башлады. – Республикада эшләп килүче күп кенә программалар авыл җирлегенә караган. Фельдшер-акушерлык пунктлары да, клублар да, уты, суы да – барысы да тормыш уңайлылыгы өчен. Авылыгыз зур булмаса да, уты, суы, газы бар. Яңа социаль биналар да күзгә ташлана. Бина игелекле булсын, авылыгызда бала-чагалар күп булсын, тагын да шулай очрашырга язсын, – диде Рөстәм Миңнеханов.
Ветеринария хезмәткәрләре белемнәрен арттырдылар
Район мәдәният йортына 8 районның ветеринария хезмәте белгечләре семинар-укуга җыелдылар. Биредә сүз ветеринария документларын дөрес эшләү һәм саклау турында барды. 
Дәүләки терлекчелек фермасы савымчысы республикакүләм бәйгедә катнашты
Питрәч районында узган 42 нче республикакүләм савымчылар бәйгесендә безнең районнан Дәүләки терлекчелек фермасы савымчысы, бу хезмәттә 35 ел эшләүче Әлфия Әюпова катнашты. Бәйгедә сынатмады ул, иң күп стажлы, тәҗрибәле савымчы буларак кыйммәтле бүләкләргә лаек булды. Биредә берүк вакытта терлекчелек буенча белгечләр дә ярышты. Район авыл хуҗалыгы һәм азык-төлек идарәсенең терлекчелек буенча белгеч-консультанты Искәндәр Шәмсетдинов республика буенча өченче урынны алды һәм Диплом, медаль һәм истәлекле бүләк белән бүләкләнде.
Су спорты буенча бөтендөнья Чемпионатында апаслылар да катнаша
Казан шәһәрендә су спорты буенча бөтендөнья Чемпионаты барган көннәрдә Апас районы эчке эшләр бүлеге хезмәткәрләре дә тәртип сагында тора. Җәмәгать тәртибен саклау буенча район эчке эшләр бүлеге җитәкчесе урынбасары Фәнис Шәрәфуллин җитәкчелегендәге сигез хезмәткәр бер ай дәвамында башкалада эшләячәк. 
23
июль, 2015 ел
пәнҗешәмбе
Районда 1000нче Ана капиталы сертификаты тапшырылды
Яңа ачылган район ЗАГС бинасында районыбызның кабат әни булу бәхетен татыган 7 гаиләгә тантаналы шартларда Ана капиталы сертификаты тапшырылды. Алты гаилә аны икенче баласына, ә менә Бакырчы авылыннан Мәхмүтовлар гаиләсе аны өченче балалары өчен алдылар. Район буенча 1000нче Ана капиталы сертификатына Каратуннан Рәсилә Алтынбаева ия булды.
Районда икмәкнең чыгышы яхшы

Районда беренчеләрдән булып “Свияга” берләшмәсе  игенчеләре уракка чыктылар.

 – Бүгенге көндә басуларда 11 комбайн эшли. Икмәкнең чыгышы яхшы. Көзге бодай гектарыннан 27 центнер чыга. Үстерелгән икмәкнең бер генә бөртеген дә югалтмыйча җыеп алырга без әзер, - ди Горбунов берләшмәсе җитәкчесе Кәфил Гыймранов. Суктырылган икмәкне Каратун ашлык кабул итү пунктына ташыйлар.

– Бөртек эшкәртү агрегатларыбыз күптән әзер, быелгы икмәкне кабул итүдә өзеклекләр булмаячак, - ди Каратун ашлык кабул итү пункты җитәкчесе Александр Горохов. 
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International