Татарстан Республикасы Авыл хуҗалыгы һәм азык-төлек министрлыгы тарафыннан терлекчелек тармагын цифрлаштыру башланды. Татарстанның һәр районында алдынгы цифрлы технологияләр кертү өчен база хуҗалыклары билгеләнде. Бу хакта бүген барлык районнар белән видеоконференцэлемтә режимында узган эшлекле киңәшмә барышында ТР авыл хуҗалыгы һәм азык-төлек министры урынбасары Ленар Гарипов хәбәр итте.

Чара барышында Татарстанда сөт җитештерү мәсьәләләре дә күтәрелде.

«Тулаем республика буенча бу елның 4 аенда хәлләр яхшы. Барлыгы 458 мең тонна сөт савылган, узган елга карата 107%. Шул исәптән апрель аенда җитештерү күләмнәре 5 %ка арткан. Сыерларның сөт бирүчәнлеге да арта» әмма омтылырга урын бар әле", - диде Ленар Гарипов.

Министр урынбасары билгеләп үткәнчә, сөт җитештерү буенча, гадәттәгечә, сөт районнары - терлекчелектә прогрессив технологияләр план буенча кертелә торган Балтач, Әтнә, Кукмара, Актаныш, Саба районнары динамик үсештә. 

Алдынгы тәҗрибәне алга таба тарату өчен Министрлык тарафыннан эшче төркем төзелде, аның составына һәр муниципаль район башлыгы тарафыннан расланган база хуҗалыклары җитәкчеләре, Татарстан Республикасы Авыл хуҗалыгы һәм азык-төлек министрлыгы, нәсел һәм ветеринария идарәләре һәм аларның ведомство буйсынуындагы оешмалар белгечләре керде.

Агымдагы елның 15 июненә кадәр һәр район тарафыннан үзенең база хуҗалыгында цифрлы технологияләр кертү буенча Юл картасы төзеләчәк. 

Һәр база хуҗалыгында хайваннар белән эшләү программалары гамәлгә кертеләчәк. (Базарда төрле вариантлар бар – Дейрикомп, Афффарм, ДельПро, Дейриплан һәм башкалар. Һәр хуҗалык үзенә кирәкле программаны сайлап куя). Бер үк вакытта терлекләрне тукландыру программалары да гамәлгә кертеләчәк. (Мәсәлән, DTM, Dairy Feeder, TMR Tracker һ.б.лар. Алар билгеләнә бу азык тарату датчикларына һәм төягечләргә куела).

Тиешле җайланмалар белән бергә программа продуктларын сатып алу «Техник һәм технологик модернизацияләү» статьясы буенча 40 Х 60 схемасы буенча субсидияләнәчәк.

Республика мәгълүмат-исәпләү үзәге генераль директоры Нияз Хәлиуллин хәбәр итүенчә, 2021 елдан хайваннарны идентификацияләү турында федераль закон нормалары үз көченә керә. Унификацияләнгән идентификация номерларын кертү база хуҗалыкларыннан башлана.

Моның өчен Нәсел идарәсе тарафыннан һәр хуҗалыкка унификацияләнгән номерлар биреләчәк. Хуҗалыклар лазер белән шул номерлар төшерелгән колак биркалары һәм электрон тамгалар сатып алачак. Барлык мөгезле эре терлекләрдә шундый тамгалар булачак. Алга таба һәр хайванның идентификация номеры һәм аның турындагы белешмәләр хайваннар белән эшләү программасында теркәләчәк. Терлек чалу пунктлары хайваннарны унификацияләнгән номерлар буенча гына кабул итәчәк һәм электрон базада хайванның бөтен тарихын күрәчәк, дип, күздә тотыла.

Шулай ук җитештерүдә һәр процессны үтәү – бу, мәс., азык әзерләү һәм тарату, бозаулату, орлыкландыру, технологик төркемнәр булдыру һәм башкалар – регламентлаштырылырга тиеш. Беркетмәләр белән эшләү өчен һәр хуҗалыкның җаваплы хезмәткәрләре билгеләнәчәк, алар беркетмәләрне эшләү һәм аларның үтәлешен контрольдә тотуны оештыру технологияләренә өйрәнү буенча укулар узачак.  

Хуҗалыкларда эшнең нәтиҗәлелеген арттыру өчен хезмәт хакын эш башыннан чыгып түләү системасы һәм матди кызыксындыру чаралары эшләнәчәк.

Барлыкка килә торган барлык мәсьәләләр буенча, программаны субсидияләүне һәм биркалар сатып алуны да кертеп, Татарстан Республикасы Авыл хуҗалыгы һәм азык-төлек министрлыгының колл-үзәгенең бердәм телефоны: 8-800-444-16-70 (өстәмә 8) буенча консультация алырга мөмкин.

ТР территориясендә метеорология күренешләренең интенсивлыгы турында консультация-кисәтү

Татарстан Республикасында Кеше хокуклары буенча вәкаләтле вәкилнең кайнар линиясе.

1. Бер тапкыр бирелә торган 10 мең сум акча кемнәргә тиеш?

Әлеге акча 3 яшьтән 16 яшькә кадәрле һәр балага бирелә, төп шарт –балага агымдагы елның 11 маеннан 30 июненә кадәр бу яшькә җиткән булуы, гаиләнең ана капиталына хокукы булу-булмавы мөһим түгел.

2. Бер тапкыр бирелә торган акчаны ничек алырга?

10 мең сум күләмендәге бу ярдәм 2020 елның 1 июненнән башлап бер тапкыр бирелә. Гариза бирү өчен гаиләләрнең биш ай вакытлары бар, гариза белән 1 октябрьгә кадәр мөрәҗәгать итәргә мөмкин.

3. 16 яшь тулган балалар әлеге акчаны ала аламы?

Балага 16 яшь 11 майга кадәр (Президентның 2020 елның 11 маенда кабул ителгән 317 номерлы карары гамәлгә кергән көн) тулган очракта, 10 мең сум акча түләнми. Түләү 16 яше тулмаган, яки 16 яшь 2020 елның 11 мае белән 30 июне аралыгында туучыларга гына тиеш.

4. 10 мең сум акча гаиләдәге һәр балага да биреләме?

Әйе, гаиләдә 3 яшьтән 16 яшькә кадәрле 1 бала булса- 10 мең, ике бала булганда, 20 мең сум акча бирелә.

5. Ана капиталына хокукы булмаган гаиләләргә бу акча биреләме?

Әлбәттә, бер тапкыр бирелүче бу ярдәм ана капиталына бәйле түгел.

6. Без - Россия гражданнары, әмма башка илдә яшибез. Балабызга бу акчаны ала алабызмы?

Кызганычка каршы, юк. Бер тапкыр күрсәтелүче бу ярдәм Россия Федерациясе территориясендә яшәүчеләргә генә күрсәтелә. Әгәр сез моңа кадәр башка илдә яшәп, аннары Россиягә кайткан булсагыз, әлеге төр түләүне алу өчен хәзерге вакытта яшәү урыныгызны раслаучы документлар тапшырырга тиеш буласыз.

7. Балага июнь ахырында 16 яшь тулса, гаилә 10 мең сум акча аламы?

Әйе, Закон буенча  берьюлы түләнә торган акча алу хокукы 2020 елның 1 июленщ кадәр булырга тиеш. Балага 16 яшь 30 июньдә тулса да, гаиләгә 10 мең сум акча түләнә.

8. Балага 3 яшь апрель- июнь аралыгында тулган очракта, гаилә ай саен бирелә торган акчаны да, берьюлы бирелүчесен дә ала аламы?

Әлбәттә, балага апрельдә 3 яше тулса, гаилә апрель ае өчен 5 мең сум, ә 1 июньнән соң 10 мең сум акча ала.

Балага 3 яшь майда  тулган очракта, гаиләгә апрель һәм май айлары өчен 5әр мең сум (ике айга 10 мең сум), 1 июньнән 10 мең сум акча түләнә.

Балага  3 яшь июньдә тула икән, гаилә апрель, май, июнь айлары өчен 5әр мең сум (барлыгы 15 мең сум), 1 июньнән 10 мең сум акча ала.

9. Әлеге акчалар нинди чыганактан алына?

Берьюлы түләнүче әлеге акча өстәмә ярдәм сыйфатында  федераль бюджеттан түләнелә.

10. Өстәмә ярдәм гаиләнең айлык кеременә бәйлеме?

Юк. Бу түләү  гаиләнең кеременә бәйле түгел. Шулай ук эш урыны, хезмәт хакы булу – булмау, башка төр пособие, пенсияләр, социаль түләүләр һәм социаль ярдәм төрләре дә исәпкә алынмый. 16 яшькә кадәрле балалары булган барлык  гаиләләргә дә акча бирелә.

11. Гаризаны ничек һәм кая тапшырырга?

Акча алу өчен Дәүләт хезмәтләре порталында шәхси кабинет аша  агымдагы елның 1 октябренә кадәр гариза белән мөрәҗәгать итәргә кирәк. Башка өстәмә документлар кирәк түгел.Гаризаны шулай ук Пенсия фондының  территориаль органнарында һәм күпфункцияле үзәкләр аша да биреп була. Тик моның өчен алдан язылып, кабул итү вакытын билгеләргә кирәк.

12.  Баланың әтисе гариза белән мөрәҗәгать итә аламы?

Әйе, баланың таныклыгында язылган әти – әниснең икесенең берсе гариза яза ала. Ә гаризаны баланың әтисе дә, әнисе дә язган очракта акча гаризаны беренче булып язучыга күчерелә.

13. Опекуннар берьюлы бирелүче түләүгә гариза язу хокукына ияме?

Әйе, әмма алар гаризаны Пенсия фондына яки күпфункцияле үзәккә үзләре барып бирергә тиешләр.

14. Гариза белән Пенсия фондына теркәлү урыны буенча гына мөрәҗәгать итеп буламы?

Бу мәҗбүри түгел, бу төр түләүгә карата экстерриториаль ысул кулланыла, ягъни баланың законлы вәкиле гариза белән теркәлү урыны яшәү урыны буенча мөрәҗәгать итә ала.

15. Гариза белән мөрәҗәгать итү вакыты чикләнгәнме?

Гариза белән биш ай дәвамында мөрәҗәгать итәргә була. Гаризалар барлык каналлар буенча 1 октябрьгә кадәр кабул ителәчәк.

16. Гаиләдә 3 яшьтән 16 яшькәчә ике бала булса, гариза аларның һәркайсына аерым язылырга тиешме?

Юк, гаиләдә 3 яшьтән 16 яшькә кадәрле ике яки аннан күбрәк бала булган очракта, акча түләүне сорап, бары бер генә гариза языла.

17. Түләү билгеләнгәнме – юкмы икәнлеген каян белергә мөмкин?

Гаризаны Дәүләт хезмәтләре порталы аша  юллаучылар нәтиҗәне шуннан ук карый алалар. Гариза Пенсия фондының клиентлар хезмәтендә язылса, акча Законда каралган срокларда дәгъва итүчегә күчерелә. Кабул ителгән уңай карар турында гариза тапшырган территориаль органга  шалтыратып белешергә мөмкин.

Гариза уңай хәл ителмәсә, карар кабул ителгәннән соң бер эш көне дәвамында бу хакта гариза язучыга заказлы хат юллана.

18. Гариза язганда нәрсәгә игътибар итәргә кирәк?

• ярдәм Россия Федерациясе гражданнарына күрсәтелә, гражданин РФ гражданлыгын югалткан очракта, акча түләнми;
• акча Россия Федерациясендә яшәүче РФ гражданнарына бирелә; Гаилә даими рәвештә чит илдә яшәгән очракта, акча түләнми.
• баланың опекуннары гаризаны Пенсия фондына яисә күпфункцияле үзәккә барып тапшыралар;
• гаризада гариза белән мөрәҗәгать итүченең банк счеты күрсәтелергә тиеш. Акча башка кеше счетына күчерелми. Гаризада башка кешенең банк реквизитлары күрсәтелеп язылган булса, аны кабаттан үз реквизитларыңны күрсәтеп язарга кирәк.

Түбәндәге очракта акча түләнми:

• балага карата ата – ана хокуклары чикләнсә яисә ата – ана хокукыннан мәһрүм ителгән булса;
• берьюлы түләү алуга хокук биргән баланың үлеме очрагында;
• тулы түгел яисә дөрес булмаган мәгълүматьлар биргәндә.

19. Гариза уңай хәл ителгән очракта, акчаны кайдан һәм ничек алырга кирәк?

Акча бары тик гариза белән мөрәҗәгать итүченең гаризада күрсәтелгән реквизитлары буенча банк счетына гына күчерелә. Таҗлы вирус инфекциясе таралу куркынычы шартларында почта элемтәсе оешмалары аша акча тарату рөхсәт ителми, чөнки болай эшләгәндә, китерүче белән акча алучының контактка керүе күзәтелә.

1. Ай саен түләнә торган 5 мең сум акча кемнәргә тиеш?

Әлеге акча 3 яшькә кадәрле  балалары булган барлык гаиләләргә дә бирелә.

2. 3 яшь тулган балалар әлеге акчаны ала аламы?

Акча 3 яше тулмаган, яки 3 яшь 2020 елның 1 июленә кадәр тулучыларга гына түләнә.

3. Ай саен түләнә торган акча гаиләдәге һәр балага да биреләме?

Әйе, гаиләдә 3 яшькә кадәрле 1 бала булса- 5 мең, ике бала булганда, 10 мең сум акча бирелә.

4. Ана капиталына хокукы булмаган гаиләләргә бу акча биреләме?

Әлбәттә, Президентның 2020 елның 11 маенда кабул ителгән 317 номерлы карары нигезендә ай саен  бирелүче бу ярдәм ана капиталына бәйле түгел.

5. Без - Россия гражданнары, әмма башка илдә яшибез. Балабызга бу акчаны ала алабызмы?

Кызганычка каршы, юк. Бер тапкыр күрсәтелүче бу ярдәм Россия Федерациясе территориясендә яшәүчеләргә генә күрсәтелә. Әгәр сез моңа кадәр башка илдә яшәп, аннары Россиягә кайткан булсагыз, әлеге төр түләүне алу өчен хәзерге вакытта яшәү урыныгызны раслаучы документлар тапшырырга тиеш буласыз.

6. Бала июнь ахырында туырга тиеш. Июнь ае өчен мин ул түләүне ала аламмы?

Әйе, Закон буенча  ай саен түләнә торган акча алу хокукы 2020 елның 1 июленә кадәр булырга тиеш. Балагыз 30 июньдә туса да, гаиләгә 5 мең сум акча түләнә. Әгәрдә сезнең балагыз бер көнгә соңрак, яисә 1 ильдә туса, сез ана капиталын алу хокукына ия буласыз, кызганычка каршы айлык түләү түләнми.

7. Балага 3 яшь май аенда тулган очракта, ай саен бирелә торган акчаны  берьюлы ике ай өчен алып буламы яисә апрель өчен генәме?

Бу очракта айлык акча ике ай өчен дә түләнә. Түләүләр балага 3 яше тулмаган айлар  һәм 3 яшь туласы ай өчен дә түләнә.

8. Әлеге акчалар нинди чыганактан алына?

Берьюлы түләнүче әлеге акча өстәмә ярдәм сыйфатында  федераль бюджеттан түләнелә.

9. Өстәмә ярдәм гаиләнең айлык кеременә бәйлеме?

Юк. Бу түләү  гаиләнең кеременә бәйле түгел. Шулай ук эш урыны, хезмәт хакы булу – булмау, башка төр пособие, пенсияләр, социаль түләүләр һәм социаль ярдәм төрләре дә исәпкә алынмый. 16 яшькә кадәрле балалары булган барлык  гаиләләргә дә акча бирелә.

10. Гаризаны ничек һәм кая тапшырырга?

Акча алу өчен Дәүләт хезмәтләре порталында (https://www.gosuslugi.ru/395593/1), яисә Пенсия фондынының рәсми сайтындагы (https://es.pfrf.ru/#services-f).  шәхси кабинет аша  агымдагы елның 1 октябренә кадәр гариза белән мөрәҗәгать итәргә кирәк. Гаризада гариза белән мөрәҗәгать итүченең СНИЛС  һәм банк счеты номерлары күрсәтелергә тиеш. Башка өстәмә документлар кирәк түгел. Кирәк булган очракта Пенсия фонды барлык мәгълүматьларны да соратып ала. Гаризаны шулай ук Пенсия фондының  территориаль органнарында һәм күпфункцияле үзәкләр аша да биреп була. Тик моның өчен алдан язылып, кабул итү вакытын билгеләргә кирәк.

11. Опекуннар айлык  түләүгә гариза язу хокукына ияме?

Әйе, әмма алар гаризаны Пенсия фондына яки күпфункцияле үзәккә үзләре барып бирергә тиешләр.

12. Әти- әнинең кайсы гариза белән мөрәҗәгать итә ала?

Ана капиталына сертификат булган очракта гаризаны сертификат иясе язарга тиеш. Башка очракларда гаризаны баланың туу турында таныклыгында язылган ата-ананың икесенең берсе яза ала. Гаризаны икесе дә биргән очракта акча беренче булып язучыга күчерелә.

13. Гариза белән Пенсия фондына теркәлү урыны буенча гына мөрәҗәгать итеп буламы?

Бу мәҗбүри түгел, бу төр түләүгә карата экстерриториаль ысул кулланыла, ягъни баланың законлы вәкиле гариза белән теркәлү урыны яшәү урыны буенча мөрәҗәгать итә ала.

14. Гариза белән мөрәҗәгать итү вакыты чикләнгәнме?

Гариза белән биш ай дәвамында мөрәҗәгать итәргә була. Гаризалар барлык каналлар буенча 1 октябрьгә кадәр кабул ителәчәк. Айлык түләүләргә хокуклары булган гаиләләргә апрелҗдан алып июнҗгә кадәр түләүләр биреләчәк.

15.  Айлык акчалата түләү кайсы  чор өчен билгеләнә?

Әлеге акча 2020 елның апреленнән июненә кадәр һәр балага айга бер тапкыр түләнә. Гариза 30 июньнән соң язылган очракта түләү 3 ай өчен берьюлы башкарыла.

16. Гаиләдә 3 яшькәчә ике бала булса, гариза аларның һәркайсына аерым язылырга тиешме?

Юк, гаиләдә 3 яшькә кадәрле ике яки аннан күбрәк бала булган очракта, акча түләүне сорап, бары бер генә гариза языла.

17. Балага 3 яшь апрель- июнь аралыгында тулган очракта, гаилә ай саен бирелә торган акчаны да, берьюлы бирелүчесен дә ала аламы?

Әлбәттә, балага апрельдә 3 яше тулса, гаилә апрель ае өчен 5 мең сум, ә 1 июньнән соң 10 мең сум акча ала.

Балага 3 яшь майда  тулган очракта, гаиләгә апрель һәм май айлары өчен 5әр мең сум (ике айга 10 мең сум), 1 июньнән 10 мең сум акча түләнә.

Балага  3 яшь июньдә тула икән, гаилә апрель, май, июнь айлары өчен 5әр мең сум (барлыгы 15 мең сум), 1 июньнән 10 мең сум акча ала.

18. Түләү билгеләнгәнме – юкмы икәнлеген каян белергә мөмкин?

Гаризаны Дәүләт хезмәтләре порталы яисә Пенсия фондының рәсми сайты аша юллаучылар нәтиҗәне шуннан ук карый алалар.

 Хәбәр автомат рәвештә килсен өчен сез шәхси кабинетыгызда хәбәр итү хезмәтенә язылган булырга тиеш. Моның өчен шәхси кабинетка кереп, “Файдаланучы профилен” сайларга, һәм “соралган хезмәтләрнең торышы турында хәбәр алырга телим” кырына тамга куярга тиеш.

 Гариза Пенсия фондының клиентлар хезмәтендә язылса, акча Законда каралган срокларда дәгъва итүчегә күчерелә. Кабул ителгән уңай карар турында гариза тапшырган территориаль органга  шалтыратып белешергә мөмкин.

Гариза уңай хәл ителмәсә, карар кабул ителгәннән соң бер эш көне дәвамында бу хакта гариза язучыга заказлы хат юллана.

19. Гариза язганда нәрсәгә игътибар итәргә кирәк?

• ярдәм Россия Федерациясе гражданнарына күрсәтелә, гражданин РФ гражданлыгын югалткан очракта, акча түләнми;
• акча Россия Федерациясендә яшәүче РФ гражданнарына бирелә; Гаилә даими рәвештә чит илдә яшәгән очракта, 5 мең акча түләнми.
• гаризада гариза белән мөрәҗәгать итүченең банк счеты күрсәтелергә тиеш. Акча башка кеше счетына күчерелми. Гаризада башка кешенең банк реквизитлары күрсәтелеп язылган булса, аны кабаттан үз реквизитларыңны күрсәтеп язарга кирәк.

Түбәндәге очракта акча түләнми:

• балага карата ата – ана хокуклары чикләнсә яисә ата – ана хокукыннан мәһрүм ителгән булса;
• берьюлы түләү алуга хокук биргән баланың үлеме очрагында;
• тулы түгел яисә дөрес булмаган мәгълүматьлар биргәндә.

20.  Гариза уңай хәл ителгән очракта, акчаны кайдан һәм ничек алырга кирәк?

Акча бары тик гариза белән мөрәҗәгать итүченең гаризада күрсәтелгән реквизитлары буенча банк счетына гына күчерелә. Таҗлы вирус инфекциясе таралу куркынычы шартларында почта элемтәсе оешмалары аша акча тарату рөхсәт ителми, чөнки болай эшләгәндә, китерүче белән акча алучының контактка керүе күзәтелә.

Метеорология күренешләре комплексы турында шторм кисәтүе

15 майда бөтен дөньяда Халыкара гаилә көне билгеләп үтелә. Республика районнарында бәйрәм кысаларында агросәнәгать комплексының хезмәт династияләре хөрмәтләнде.

Социаль ипотека программасы буенча торак алуга Татарстан Республикасы яшьләр сәясәте лидерлары арасында бәйге.

Һәр районның үз мөмкинлекләре бар, әмма бүгенге катлаулы шартларда булачак уңышка нигез салучы хезмәт кешеләренә игътибарлы булу бар җирдә дә бик мөһим

Татарстан Республикасы Авыл хуҗалыгы һәм азык-төлек министрлыгы хәбәр итә, хәзер Татарстан аграрийлары органик продукция үстергәндә үсемлекләрне яклауның биологик чараларын, Бионоватик җитештерүне үстерү ашламаларын һәм регуляторларын куллана алалар. Алар органик авыл хуҗалыгында файдалану өчен хупланган.