ЯҢАЛЫКЛАР

Сыйфатлы, тәмле, ышанычлы! Апаста яшәүче Илгизәр Нигъмәтҗанов та казылык ясау белән шөгыльләнә. Шунысы да бар: ул казылыкны бары тик үз хуҗалыгында тәрбияләгән тай итеннән ясый. 

Сыйфатлы, тәмле, ышанычлы! Апаста яшәүче Илгизәр Нигъмәтҗанов та казылык ясау белән шөгыльләнә. Шунысы да бар: ул казылыкны бары тик үз хуҗалыгында тәрбияләгән тай итеннән ясый. 

Курчакларга дус-ишләрнең исемнәрен кушып, алар белән серләшә-серләшә уйнамаган, кечкенә вакытында нәни дусларына киемнәр текмәгән бала бар микән? Ләкин балалык еллары узып киткәч, бу курчаклар йә чормага менә, йә тартмаларда тузан җыеп ята, йә бөтенләй кирәксезгә әйләнә. Апаста яшәүче Изилә апа Нәбиуллина өчен алар бүген дә кадерле. Курчакларның урыннары түрдә. Алар берсеннән-берсе матур итеп киенешкәннәр, төрле милләт балаларына әверелгәннәр. Мөлаем йөзле, алсу битле, зәңгәр күзле курчакларга карап туймассың! 

Чүрибурашта яшәүче Насыйбуллиннар гаиләсенә бу көннәрдә зур шатлык килгән. Фәһим белән Алмагөл Насыйбуллиннарның уллары Алмаз хәрби бурычын үтәп, исән-имин туган нигезенә әйләнеп кайтты. Барыннан да бигрәк нәни Ясминә сөенгән. Ул елы буе әтисен фотолардан карап, көтеп яшәгән. Әтисе киткәндә аңа нибары 1 яшь кенә булган. – Аллага шөкер, исән-имин кайттым. Бик сагындым. Бигрәк тә кызымны күрәсем килде. Тик кызганыч, дәү әниемне күрә алмыйча калдым. Ул күптән түгел генә арабыздан китте, - ди ул. 
Алмаз Насыйбуллин хәрби бурычын Мәскәү асты Калиненец поселогында үтәгән.

14 декабрьдә Каратун-Морзалар киселешендә иртәнге сәгать 7дән 9 га кадәр “Тоннель” операциясе узачак.

Район “Сәләт” балалар иҗат үзәгендә 12 декабрь – Россия Конституциясенең 24 еллыгына багышлап зур чара үтте. Анда район башкарма комитеты җитәкчесе урынбасары Луиза Сафина, район ветераннар Советы рәисе Гөлнур Насыйбуллина, Апас мәктәбенең 5 сыйныф укучылары, Биешнең “Рябинушка” вокаль ансамбле һәм башкалар катнашты.

Заготзерно бистәсенең “Нәҗиб“ мәчетендә Мәүлид бәйрәме узды. Биредә мәчеткә йөрүче өлкәннәр һәм тирә-күрше мәхәлләләрдән кунаклар катнашты. Мәҗлесне уздыруда катнашкан һәркем үзенең өлешен кертте. 

8-10 декабрь көннәрендә Минзәлә шәһәрендә үткән волейбол ярышларында көч сынашып кайттылар. Марат Ногманов җитәкчелегендәге 8 егеттән торган команда бу юлы да сынатмады.

ТНВ каналында  тапшыру атнага 3 тапкыр: “Күңелем түрендә”  чәршәмбе , “Апас хәбәрләре” – җомга һәм дүшәмбе көннәрендә эфирга чыгачак. Тапшыру вакыты 20.00 -20.30 сәгатькә кадәр. 

Быел Апас эчендә, авылларда кеше күп йөри торган, балалар учреждениеләре каршыларында ясалма юл каршылыклары кую дәвам итте. ЮХИДИ мәгълүматлары буенча, район торак пунктлары, юлларда ел ахырына биш дистәдән артык “лежачий полицейский” булдырылды һәм аларның һәммәсе дә шоферларны ерактан ук машина тизлеген киметергә өнди. Район күләмендә бу күптән кирәкле эш киләсе елда да дәвам итәчәк. Алар дәүләт программасы нигезендә башкарыла. Юл хәрәкәте иминлегенә ирешүдә алар барыбызга да бик булыша. Юлларда имин йөрик, райондашлар. Сәфәрләрегез уңышлы булсын!