ЯҢАЛЫКЛАР

10
ноябрь, 2015 ел
сишәмбе
Районда сыйфат атналыгы бара
Район санитария-эпидемиология күзәтү үзәге табибы Мәдинә Зарипова белдерүенчә, 1989 елдан Бөтендөнья сыйфат атналыгы билгеләп үтелә башлады, ә 1995 елдан аның төп үткәрелү вакыты ноябрь аеның икенче атнасы дип билгеләнде. Быел бу чара 9-13 ноябрь аралыгында уза. Бу чорда сәүдә нокталарына таләпләр аеруча арта. Әгәр дә сез сатып алган товарларыгызның сыйфатыннан канәгать булмасагыз, бу атналык барышында гына түгел, гомумән, теләсә кайсы көнне район кулланучылар хокукын яклау бүлеге һәм санитария-эпидемиология күзәтү үзәгенә мөрәҗәгать итегез. Без сезнең гаризаларыгыз нигезендә намуссыз сатучыларны, аларның сәүдә нокталарын тикшереп чара күрәчәкбез.
5
ноябрь, 2015 ел
пәнҗешәмбе
Концертка көтеп калабыз!

6 ноябрь сәгать 18.00  район мәдәният йортында Халыклар бердәмлеге көне һәм Татарстан Республикасынын Конституция көне уңаеннан концерт узачак. Керү – ирекле. Барыгызны да район талантлары белән хозурланып, вакытыгызны күңелле һәм файдалы итеп үткәрегә дип концертка көтеп калабыз!
Югары Биябаш авылыннан Роза әбигә 90 яшь тулды
Югары Биябаш авылында гомер кичергән, бүгенге көндә Казанда балалары янәшәсендә яшәүче Роза әби Каргина олуг юбилеен каршылады. Юбилярны район башлыгы урынбасары Марат Нуриев  Казанга барып тәбрикләде.
Апас укучылары паспорт алды
Районда сентябрь һәм октябрь айларында 14 яшь тулган балаларга тантаналы шартларда паспортлар бирелде. Әлеге тантананы район хакимияте, паспорт-виза бүлеге һәм туган якны өйрәнү музее берлектә оештырды. Укучылар әти-әниләре, якыннары белән берлектә килгән иде.
Апаста тагын бер яңа гаилә туды
Яшь йөрәкләрнең кавышу тантаналары дәвам итә. Апас егете Рамил Шәфигуллин һәм Кече Күккүз кызы Ләйсән Вәлиева Кызыл туйларын билгеләп үтте. Кияү районның газ хезмәтендә эшли, кәләш – “Дулкын” бассейнында администратор. Яшь гаилә киләчәк язмышларын туган төбәгебез белән бәйләргә уйлый. 
3
ноябрь, 2015 ел
сишәмбе
Якташыбыз Татарстанның Халык җырчысы Фердинанд Сәлахов барлык апаслыларны бер залга җыйды
31 октябрьдә Казан каласының Филармония залында районыбызның йөзек кашы, күпкырлы талант иясе, татарны татар итеп саклап кала алган атаклы шәхесләребез Рәшид Ваһапов, Хәйдәр Бигичев, Рафаэль Ильясов, Таһир Якупов иҗатының дәвамчысы, алар салган тирән эздән тайпылмый баручы, Татарстанның Халык җырчысы Фердинанд Сәлаховның “Җыр язмышы” дигән юбилей концерты булды.
Күкшем авылында яшәүче Габбас бабайга 90 яшь
1 ноябрьдә Күкшем авылында яшәүче хезмәт ветераны Габбас бабай Биккинин олуг юбилеен каршылады. Тормыш иптәше Мәгъфируз әби белән 10 бала тәрбияләп үстергән алар. Бүген Габбас бабай балалары, оныклары, оныкчыклары тәрбиясен тоеп хасиятле гомер кичерә.
Бәйрәм уңаеннан Апаста зур ярминкә гөрлиячәк
4 ноябрь көнне Апас үзәгендә кабат авыл хуҗалыгы ярминкәсе үтәчәк. Биредә төрледән-төрле хуҗалыкларда үстерелгән яшелчә, сөт-май, ит кебек продуктлар сатылачак. Рәхим итегез!
1 ноябрьдән җәйге тәгәрмәчле машинада йөрү тыела

Россиядә "Транспорт чарасы куркынычсызлыгы турында"гы канун гамәлгә керде.

Хәзер аның нигезендә машина хуҗаларына кышкы вакытта җәйге тәгәрмәч белән йөрү рөхсәт ителми. Документта шулай ук җәен шиплы тәгәрмәчле машиналарда йөрүнең тыелган булуы да әйтелә.
Апаслылар, сак булыгыз: бүген һава торышы кискен көйсезләнә
Синоптиклар фаразлавынча бүген, 3 ноябрь көнне, һава торышының кискен үзгәрүе көтелә. Юеш кар һәм яңгыр явуы ихтимал. Көндез 3 градус җылылык, ә төнлә исә 1 градус салкынлык булачак. Шуңа да иртәнге сәгатьләрдә юлларда сак булыгыз. Урыны белән бозлавык хасил булырга мөмкин.
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International