ЯҢАЛЫКЛАР

2
ноябрь, 2015 ел
дүшәмбе
Мәскәүне саклауда катнаша
Казанда Мәскәү көннәре узу чарасы Шәмбалыкчыда яшәүче сугыш һәм хезмәт ветераны Зиннәт абый Хәйруллин өчен кабат бер истәлекле вакыйга булып калды.1941 елда сугышка киткән егет Мәскәүне дошманнардан саклый, Мәскәү яны сугышларында катнашып батырлыклар күрсәтә.
Апасның эшче яшьләре бию командасы бүген гала-концертта чыгыш ясый
Безнең Апас яшьләренең бию командасының “Безнең заман” III Республика телевизион фестиваленең суперфиналында уңышлы чыгыш ясап, 2 урын яулаулары хакында язган идек. Бүген исә алар Казан шәһәренең Пирамида күңел ачу үзәгендә гала-концертта катнашачаклар. Фестивальнең Гран-при бүләген яулаган җиңүчегә диплом, Президент кубогы һәм 100 000 сум күләмендә акчалата премия тапшырыла. Афәрин, егетләр һәм кызлар! Сезгә уңышлар телибез.
Район мәдәният йорты сәхнәсендә – зур концерт
6 ноябрь – Халыклар бердәмлеге көне уңаеннан, район мәдәният йорты сәхнәсендә “Сөйләшсәк тә төрле телләрдә, аңлашабыз дуслык телендә” дип исемләнгән зур концерт үтәчәк. Башлана – 18.00 сәгатьтә.
Морзалар мәктәбе укучысы Раил Гыйлманов Республикада үткән Мәскәү көннәре бәйгесендә I урынны яулады
28-30 октябрьдә Татарстан Республикасында Мәскәү көннәре киң колач белән үтте. Шул чара кысаларында “#Мәскәү көннәре” хэштегы белән үткән фотоконкурста Морзалар урта мәктәбенең 11 сыйныф укучысы Гыйлманов Раил I урынны яулады һәм Мәскәү шәһәренә 3 көнгә 2 кешелек экскурсион путевка белән бүләкләнде. Юлламага башкалабызга самолетта очу, страховка, кунакханәдә тору, ашау-эчү чыгымнары һәм төрле мавыктыргыч экскурсияләр кергән.
1 ноябрь – данлы якташыбыз Сара Садыйкованың туган көне
Шул уңайдан район үзәк китапханәсендә “Сагыналар сине якын дуслар, сагыналар сине моңлы кошлар” исемле китап күргәзмәсе эшли. Биредә Сара Садыйкованың тормыш һәм иҗат юлы чагылыш таба. Шулай ук мәктәпләрдә тематик кичәләр үтә.
30
октябрь, 2015 ел
җомга
Мәскәүне саклауда катнаша
Казанда Мәскәү көннәре узу чарасы Шәмбалыкчыда яшәүче сугыш һәм хезмәт ветераны Зиннәт абый Хәйруллин өчен кабат бер истәлекле вакыйга булып калды.
Колгына халкы район Советы вәкилләре белән бергә һәм тантаналы шартларда “Өмет чишмәсе” суыннан авыз итте
Булмас бу, халыктан җыелган акчага урын табырлар, -диде берәве. . . Тик, узган ел халык җыенында тәкъдим кертеп, үз сүзен кистереп әйткән элеккеге “Ялкын” колхозы бригадиры Таһир Исланов  фикереннән кире кайтырга уйламады да-Дәвеш авыл җирлеге башлыгы, җирле депутат Таһир Хөсәенов районСоветы, якташлары, район Советы депутаты, “Зөя” балалар ял-сәламәтләндерү Үзәге директоры Хәйдәр Булатов, Колгына авылы эшмәкәре, элеккеге дуңгыз фермасын арендага алып авыл казлары үстерүче Казан егете Илдар Насыйбуллин кабинетлары ишеген шакуын дәвам итте. Нәтиҗә бар-27 октябрьдә Колгына халкы район Советы вәкилләре белән бергә зурлап һәм тантаналы итеп урам уртасына кадәр китерелгән “Өмет чишмәсе” суыннан авыз итте.
Заманадан калышмаска исәп, өйрәнергә кайчан да соң түгел,– диләр Апас өлкәннәре
“Сәләт” балалар иҗат үзәгендә “Өченче буын университеты” дип исемләнгән республикакүләм программа кысаларында өлкәннәр өчен 72 сәгатьлек компьютер буенча курслар башланып китте.
Апаслылар, сак булыгыз: юлларда көчле бозлавык
Һаваның температурасы кинәт төшүе күзәтелү нәтиҗәсендә, алдагы төндә һәм 30 октябрьдә юлларда бозлавык хасил булырга һәм кар төшүе мөмкин. Шуңа да юлларда игътибарлырак булырга кирәк.
Болгарда төзелә торган кунакханәгә иң яхшы исем сайлауда интернет-тавыш бирү старт ала
Бүгеннән "Болгарда төзелә торган кунакханәгә иң яхшы исем"  өчен интернет-тавыш бирү старт ала. Бу хакта "Татар-информ" мәгълүмат агентлыгында матбугат конференциясендә игълан ителде.
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International