ЯҢАЛЫКЛАР

22
декабрь, 2014 ел
дүшәмбе
Шәмбалыкчы авылының хөрмәтле кешесе Саимә апа Хәйруллинаның күңеле чиксез шатлык белән тулды
Ветеран Саимә апа Хәйруллина үзенең 90 яшьлек юбилеен каршылады. Бу уңайдан, бүген район башлыгы Рәшид Заһидуллин хәзергесе вакытта Казан шәһәрендә балалары янәшәсендә яшәүче Саимә апа янында булып, Россия Президентының котлау хатын һәм үз исеменнән истәлекле бүләген, чәчәк бәйләмен тапшырып, иң изге теләкләрен җиткереп кайтты.
Район электриклары һөнәри бәйрәмнәрен билгеләп үтәләр
Апас районы җирлегендә 936 километр электр линиясе, 282 трансформатор пункты, 4 подстанция исәпләнә. Айрат Җиһаншин җитәкчелегендәге Апас электр челтәре коллективында бүген 48 кеше хезмәт күрсәтә. Бердәм, дус коллективның уңышлары бихисап. Агымдагы елда 6 километр 400 метрда һава линияләренә капиталь ремонт үткәрелгән, 32 километрдан  артык линия реконструкцияләнгән, бу линияләргә 154 абонент тоташтырылган, шактый күләмдә эксплутацион эш башкарылган, яңа линияләр өстәлгән.
Апас районының “Иң яхшы электромонтерлар” ы
Буа электр челтәрләре буенча сигез район арасында төрле бәйгеләр уздырыла. Апас электромонтерлары биредә дә сынатмыйлар. Бригадалар арасында безнекеләр – Азат Абделвәлиев, Евгений Прохоров, Руслан Исмәгыйлев, Рәдис Сөнгатуллиннар беренче урынны алып “Иң яхшы электромонтерлар” булып танылганнар.
Апаслылар Чүпрәледән беренчелекне яулап кайттылар
Чүпрәле районы Сабантуйларында 12 тапкыр баш батыр булып калган Мәсъгүд Хөснетдинов үз приз-Кубогына үткәргән Тау ягы милли көрәш турнирында Апастан көрәшче Рафаэль Хәсәнов белән районның яшьләр эше һәм спорт комитеты җитәкчесе Рафис Хәбибуллин үз үлчәмнәрендә беренчелекне яулап кайттылар.
Районның «Зөя» хоккей командасы Татарстан чемпионатында лидер

Районның «Зөя» хоккей командасы Татарстан чемпионатында лидер.

12 декабрьдә үз бозында ул Казанның «Факел» хоккей клубы командасын 2:1 исәбе белән җиңеп, турнир таблицасында беренче «бишлек»кә үтте. «Факел» узган елгы чемпионатның финал ярышларында икенче урын яулаган иде.
Апаста агропарк төзелеше башланды
Апаста агропарк төзелеше башланды.Апаста Әппәз сазлыгы янәшәсендәге мәйданга-булачак төбәкара Агропаркка- тимер-бетон субайны сугып җиргә бик тирәнгә батырырга  сәләтле махсус машина, экскаваторлар, башка төр көчле техника кайтарылды. Төзелешнең подрядчысы, район төзелеш ширкәте җитәкчесе Фәнис Сафиуллин агропаркның гомуми мәйданы 1 гектардан артык булачак дип белдерә.
19
декабрь, 2014 ел
җомга
Район юл хәрәкәте иминлеге инспекциясе машина йөртүчеләргә бүген аеруча сак йөрергә киңәш итә

Район юл хәрәкәте иминлеге инспекциясе машина йөртүчеләргә бүген аеруча сак йөрергә киңәш итә.

17
декабрь, 2014 ел
чәршәмбе
Биеш мәктәбендә ярыш
19 декабрь көнне Биеш мәктәбе базасында төп гомумбелем бирү мәктәпләре арасында волейбол буенча ярышлар узачак. Ярышлар сәгать 10.00 да башлана. Рәхим итегез!
15
декабрь, 2014 ел
дүшәмбе
Апас ветераннары киңәште
Апас районы ветераннар советының президиум утырышы булды. Биредә эшләнгән эшләр, үткәрелгән чараларга нәтиҗә ясалды, киләчәккә планнар билгеләнде. Президиум әгъзаларының һәркайсы чыгыш ясап, үз фикерен-тәкъдимен җиткерде. Бөек Җиңүнең 70 еллыгы уңаеннан хәзерләнәсе чараларга аерым басым ясалды.
12
декабрь, 2014 ел
җомга
Яңа ел чыршысы конкурсы

 

Татарстан Хөкүмәте шәһәрләрдә, шәһәр тибындагы бистәләрдә һәм район үзәкләрендә, авыл җирлекләрендә Яңа ел чыршысы бизәлеше, Яңа ел бәйрәмен каршылау буенча 8, 6 миллион сумлык махсус бүләк фонды булдырды. Казаннан комиссия урыннарга 20 декабрь-25 январьда чыгачак, республика конкурсы зоналарга бүлеп үткәреләчәк.
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International