ЯҢАЛЫКЛАР

Бер-бер артлы килеп торган “КамАЗ” арбаларына бункердан шаулатып кукуруз орлыгы бушатылып торды. Ә Күккүз ындыр табагында 60 метр озынлыктагы капчыкларда кукуруз орлыгы консервлана. Гаҗәп һәм искиткеч.

Чираттагы шимбә киңәшмәсендә район башлыгы Р.Н. Заһидуллин Ындырчы авыл җирлегенә янгын сүндерү машинасы тапшырды. Әлеге машинаны районга якташыбыз Татарстан Республикасының Гадәттән тыш хәлләр һәм гражданлык оборонасы министры Рафис Хәбибуллин бүләк итте.
14 елдан бирле Ындырчы янгын сүндерү бүлегендә эшләүче Николай Ильин кулына машина ачкычы алгач шатлыгын уртаклашты. “Кырык елга якын руль артында эшлим. Янгын сүндерү машинабыз да 34 ел хезмәт итте. Шулай да район буенча янгын булган урыннарга барып җитәргә тырыштык. 2010 елда медаль белән бүләкләндем. Яңа машина алу зур шатлык булса да, янгын очраклары булмасын иде” – диде ул.

Көзге кыр эшләре белән якыннан танышу максаты белән районга Татарстан Президенты Рөстәм Миңнеханов, республиканың Авыл хуҗалыгы һәм азык-төлек министры Марат Әхмәтов, “Ак Барс” холдинг генерал директоры Иван Егоров килде. Дәрәҗәле кунакларны район башлыгы Рәшид Заһидуллин озатып йөрде.

Район ветераннар советы һәр кварталда районыбызның бер төбәгендә семинар-киңәшмә үткәрә. Бирегә шул як зонаның башлангыч ветераннар советлары рәисләре, актив ветераннар, авыл җирлекләре башлыклары чакырыла.

Район башлыгы тәкъдиме белән соңгы елларда тирә-як районнардагы Картлар йортларында тәрбияләнүче райондашларыбызга күчтәнәч-пакетлар тарату, хәлләрен белү матур гадәткә әйләнде.

Районыбызның тормыш-көнкүреше, яшәү һәм эшләү шартлары белән танышу, тәҗрибә уртаклашу максатыннан Апаска Мордовия Республикасы Атяшево районы вәкилләре булып китте.

5 октябрьдә Татарстанкүләм акция буенча Табар урманчылыгына караучы Апас сусаклагычы ярымутравындагы 9 гектарлык мәйданда Саба урманчылыгы селекция-орлыкчылык үзәгеннән кайтарылып, махсус туфраклы тартма-чүлмәкләрдә үстерелгән 1-2 еллык нарат һәм чыршы үсентеләре утырту көтелә.

Өлкәннәр һәм укытучылар көне уңаеннан район мәдәният йортында бәйрәм чаралары үтте. Көннең беренче яртысында алтын көзнең гүзәллеген, сабырлыгын, җылылыгын туплаган ветеран укытучылар, тәрбиячеләр район мәдәният йортына җыелдылар. Эшләгән чорларын искә төшереп, чәй табыны артында хәл-әхвәлләрен сорашып, дөнья хәлләрен барлап, рәхәтләнеп сөйләшеп тә утырдылар. 40 елдан артык гомерләрен балалар укытуга, тәрбияләүгә багышлаган Хәлим һәм Флера Садриевлар бу очрашуга да бик теләп килгәннәр.

– Үги балам армиягә киткәндә шоссега кадәр йөгереп чыгып, елап озатып калдым. 5 баламны да бертигез күреп үстердем. Хәзер менә кадер-хөрмәттә генә яшим, – ди Сатмыш авылында гомер итүче, бу көннәрдә 90 яшьлеген каршы алган Рәйсә әби Әхмәтвәлиева.