ЯҢАЛЫКЛАР

Татарстан Республикасының сәүдә һәм сәнәгать министрлыгы карары нигезендә, районда “Республикада яшәүче халыкларның аш-су көннәре“ узды.

Ябалак авылында “Бердәм Россия” партиясенең “Урындагы мәдәният йорты” федераль программасы кысаларында капиталь төзекләндерүдән соң бик матур, якты, зәвык белән эшләнгән мәдәният йорты ачылды.

Кече Бакырчы авылы мәчетендә балалар өчен лагерь оештырылды . Балалар мәчеттә дин сабагы үзләштерәләр. Төшке аштан соң уеннар дәвам итә. Балалар район үзәгенә сәяхәткә дә килделәр.

Илназ Хөснуллин Апас аграр көллиятен тәмамлап, кулына механик дипломы алып, узган ел армия сафларына киткән иде. Хәрби бурычын намус белән үтәп, бу көннәрдә ул туган йортына, якыннары янына кайтты.

Район мәдәният хезмәткәрләре ай саен хезмәтләренә хисап ясап, алга планнар билгелиләр. Бу юлы Болын-Балыкчы мәдәният йортында киңәшләштеләр алар. 

Балтай мәдәният йорты каршында оешкан “Рәйхан“ ансамбленә картаймас йөрәкле апа-абыйлар йөри. Районда узган һәр чарада актив катнашалар алар. Дәртле җырлары белән Сабан туй мәйданында да чыгыш ясадылар.

8 июль Гаилә көне уңаеннан Каратун мәдәният хезмәткәрләре "Зөя"балалар сәламәтләндерү үзәгендә ял итүче балаларны концерт номерлары һәм күңелле дискотека белән куандырып, шатландырып кайтты.

Гаилә, мәхәббәт һәм тугрылык көне уңаеннан Үтәмеш авылы клубында эчтәлекле кичә узды. 70 еллык парлы гаилә бәйрәмнәрен – Рәхмәт туйларын билгеләп узган Хәйретдин һәм Нәгыймә Сәлаховларга "Гаилә, мәхәббәт һәм тугрылык" медале, район башлыгынын Котлау хаты тапшырылды.

Апас үзәк хастаханәсе баш табибы булып Апас егете Алмаз Алиуллин билгеләнде. Ул әлегә кадәр Кайбыч районында баш табиб урынбасары булып эшләгән. 

“Свияга” берләшмәсе “2016 елда иң яхшы чөгендер үстерүче оешма” булып танылды.