ЯҢАЛЫКЛАР

3
сентябрь, 2015 ел
пәнҗешәмбе
Апас районында 1796 укучы мәктәп парталары артына утырды
Апас районында быел барлыгы 1796 бала мәктәп парталары артына утырачак. Шуларның 202се беренче тапкыр мәктәп бусагасын атлап керәчәк. Районда 10 урта, тугыз төп, җиде башлангыч һәм 36 балалар бакчасы эшләп килә. Шулай ук барлык балалар бакчалары да бүген нәниләр кабул итә башлый. Хәерле сәгатьтә! Барысы да уңышлы булсын!
2
сентябрь, 2015 ел
чәршәмбе
Республика көне уңаеннан Апаста зур бәйрәм булды
Республика көне уңаеннан районда зур бәйрәм булды. Чөнки бу бәйрәм үз эченә күп төрле истәлекле даталарны алган иде. ТАССР төзелүгә – 95 ел, Татарстан Республикасына – 25 ел, ә инде туган төбәгебез Апас районы оешуга 85 ел булды. Бәйрәм тантанасында район башлыгы Рәшид Заһидуллин, якташыбыз “АК Барс” банк идарәсе рәисе Роберт Миңгалиев катнашты.
Республика көнен апаслылар спорт мәйданчыгында да бәйрәм иттеләр
 Бу көнне Апаста спорт ярышларында 250 кеше катнашып, үзләрен сынап карады,-ди район яшьләр эше һәм спорт комитеты җитәкчесе Рафис Хәбибуллин. Команда тренерлары Рәмис Гыйззәтов, Ринат Гыйламов һәм Рөстәм Бикмөхәммәтов үз тарафдарлары һәм шәкертләренең җиңүләре белән бик хаклы горурланалар.
Бишенче “Зәлидә” гә килүчеләрне Каратун үзешчәннәре җырлап биетте
Апас Мәдәният йорты кашындагы бишенче “Зәлидә” гә килүчеләрне Каратун Мәдәният йорты үзешчәннәре җырлап биетте. Чәй-коймаклы табынлы Үзәк мәйданда чираттагы алтынчы халык уеннары кичәсе 2 сентябрьдә кичке алтынчы яртыда башланачак. Килегез, яшь чакларны искә төшерегез!
Свияжский бистәсеннән Кадыйровлар гаиләсе республиканың иң яхшы гаиләләрен хөрмәтләү тантанасында катнашты
26 августта Республика көне уңаеннан республика Президенты вазифаларын башкаручы Рөстәм Миңнеханов һәм аның тормыш иптәше Гөлсинә Миңнеханова исеменнән республиканың иң яхшы гаиләләрен хөрмәтләү тантанасы узды.
Апас поселогы ветераннары башкарган эшләренә хисап тоттылар
24 августта район мәдәният йортында шәһәр тибындагы Апас поселогы ветераннар Советының отчет-сайлау җыелышы булды. Ветераннар үзләренең башкарган эшләренә хисап тоттылар, киләчәккә планнар билгеләделәр. Апас ветераннар Советы рәисе итеп Расыйх Латыйпов сайланды. Соңыннан картаймас йөрәкле ветераннар бик матур концерт куйдылар.
27
август, 2015 ел
пәнҗешәмбе
Танай-Турай авылында мәчет торгызу эшләре башланды
Хөрмәтле дуслар, дин кардәшләр!!! Танай-Турай авылында мәчет торгызу эшләре башланып китте. Әгәр дә Сез дә изге эшкә кушылырга, ярдәм итәргә теләсәгез түбәндәге счетка үзегезнең өлешегезне кертә аласыз!
“Росельхознадзор”ның Татарстан идарәсе белгечләре районда фитосанитар тикшерү эшләре алып баралар
–“Росельхознадзор” Татарстан идарәсе белгечләре республика кырларын зарарлы карантин бөҗәкләр, чүп үләннәре басып алмасын өчен киң фитосанитар тикшерү эшләре алып бара,-ди дәүләт инспекторы Айрат Хәмиев. –Бәрәңге, башка яшелчәләр, җиләк-җимеш бакчаларын, иген культуралары басуларын тиешенчә эшкәртү белән беррәттән, төрле йогышлы авырлардан саклау, кисәтүгә игътибарлы булыйк. Район өчен чит-ят бөҗәкләр, чүп үләннәренә тап булсагыз Казанга 277-69-26 телефоны аша хәбәр итегез. Электрон адрес: E-mail: karantin.rt@mail.ru. 
Дәүләт ветеринария инспекторлары терлек, терлек азыгы, ит продукциясе ташучы транспортларны тикшерәләр
Дәүләт Ветеринария инспекциясенең Апас территориаль бүлеге җитәкчесе Алмаз Гыйбадуллин белдерүенчә, 5 кешелек коллектив Татарстанның 8 районында ветеринария халәтен күз уңында тота. Быел алар Апас, Кайбыч, Югары Ослан, Кама Тамагы, Тәтеш, Буа, Чүпрәле, Яшел Үзән районнарында планлы 9, планнан тыш 33 тикшерү үткәргән. Планлаштырылган тикшерүләр һәм планнан тыш урыннарга чыгып документаль тикшерүләр җирле прокуратура белән килештерелә. Алар нәтиҗәсендә 18 предписание язылган, таләп-кагыйдәләрне үтәмәүчеләргә 116 мең сумлык 23 протокол рәсмиләштерелгән.
26
август, 2015 ел
чәршәмбе
“Зөя” агрофирмасы җитәкчелеге “Мәктәпкә җыенырга булыш!” акциясенә беренчеләрдән булып кушылды
Хәйрия Фонды Татарстанда 2007 елда оешып эшли башлады. Апас районында да бу саваплы эш шул ук елны башланды. Хәйриячеләр, район инвесторлары ярдәме белән менә быел да Сабантуй аланында беренче сыйныфка укырга барачак йөздән артык сабыйга мәктәп әсбаплары салынган укучы портфельләре бүләк иттеләр, “Зөя” агрофирмасы җитәкчелеге моңа 50 мең сумнан артык акча юнәлтте.
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International