Техносфера кибетендәге “Изабель“ кафесында Альфира һәм Андрей Малиновскийлар Азия ашханәсе көннәре уздырдылар. Табынга Урта Азиядә яшәүче төрле милләт халыкларының ризыклары куелган иде. Кафе хуҗалары һәр ризыкның пешерү, хәзерләү серләре белән уртаклаштылар. Милли киемнәрдән киенеп һәр килүчене ачык йөз белән каршы алып сыйладылар.

Берсеннән-берсе матур итеп киенгән балалар әти-әниләренә, тәрбияче апаларына шигырьләр сөйләделәр, җырлар җырладылар. Үзләренең җитезлекләрендә, тапкырлыкларында көчләрен сынаштылар. Җитешсез якларын, начарлыкларны төрле төсле шарларга тутырып һавага очырдылар. Бәйрәмнәрен яңа гына ачылган балалар кафесында дәвам иттеләр.

– Һәрбер көннәре бәйрәм кебек күңелле, хәвефсез булсын, сау-сәламәт булсыннар иде, - дигән теләктә әти-әниләр.

1 июнь – ул җәйнең көтеп алынган беренче көне һәм балачакның иң кояшлы бәйрәме — Балаларны халыкара яклау көне. Балачак – иң бәхетле һәм бер мәшәкатьсез вакыт, ул күңелдә җылы хисләр генә калдыра. Бу, әлбәттә, беренче чиратта, ата-аналардан тора. Аларның яратуыннан, кайгыртуыннан һәм назыннан башка чын кеше тәрбияләп булмый.

   Балаларыбызны тәрбияләүгә бар көчен һәм күңелен бирүче әти-әниләргә, тәрбиячеләргә, укытучыларга, әби-бабайларга чын күңелемнән рәхмәт әйтәм. Балаларны тәрбиягә алган, аларга эчкерсез мәхәббәтен, гаилә җылысын бүләк иткән һәрбер гаиләгә аеруча зур рәхмәт. Сезгә ныклы сәламәтлек, сабырлык телим. Ә балаларга җәйге каникулларда яхшы ял итүләрен, әти-әниләре һәм дуслары белән аралашу шатлыгын, яңа ачышлар һәм онытылмаслык тәэсирләр телим! Елның һәр көне сезнең шатлыклы елмаюларыгыз, күзләрегездән ташып торган бәхет һәм мәхәббәт чаткылары белән тулып торсын!

Хөрмәт белән, Апас район башлыгы Рәшид Заһидуллин.

Казанда “Яшь эшче” Бөтендөнья ярыш-конкурсы финал этабында Апас делегациясе дә катнашты. Бу юлы безнекеләр тамашачы сыйфатында гына иде. Бу конкурста Җир шарының дистәләгән илләреннән килгән булачак төзүчеләр, игенчеләр, тегүчеләр. пешекчеләр һәм башка бик күп булачак яшь һөнәр ияләре үз осталыкларын күрсәттеләр. Аерым номинацияләрдә татарстанлылар призлы урыннарны күпләп яуладылар.

Район мәгариф бүлеге, аграр көллият җитәкчеләре киләчәктә мондый дәәрәҗәле ярышларда яшь апаслылар да катнашачак дип ышандыра.