ЯҢАЛЫКЛАР
17 октябрьдә Апаста террорчылыкка каршы көрәш комиссиясенең чираттан тыш киңәйтелгән утырышы узды. Биредә “Росгвардия“ вәкиле чыгыш ясады һәм башкарылган эшләрне анализлады, һәр хезмәт каршына конкрет бурычлар куйды.
Хөрмәтле Апас районы юл хуҗалыгы хезмәткәрләре һәм ветераннары! Һөнәри бәйрәмегез белән ихлас котлауларны кабул итегез!
Сезнең районның тормыш эшчәнлеге өчен әһәмиятегез бәяләп бетергесез. Юллар салу, проектлау-зур игелекле хезмәт.
Юл хуҗалыгы хезмәткәрләре һөнәри осталыклары белән эшли белүләрен һәм булган юлларны саклап кала алуларын, бүгенге көндә аларның торышын тиешле дәрәҗәдә хуплауларын берничә тапкыр исбатладылар. Юл хуҗалыгы хезмәткәрләре алга таба да алар алдында торган бурычларны үтәү өстендә актив һәм нәтиҗәле эшләячәгенә ышанам.
Бу бәйрәм көнендә Апас районының юл комплексы үсешенә бәяләп бетергесез өлеш керткән тармак ветераннарына һәм, әлбәттә, бүгенге көндә үз эшләрен ышанычлы дәвам итүчеләргә аерым рәхмәт белдерәм.
Юл хуҗалыгының барлык хезмәткәрләренә оптимизм, нык сәламәтлек, бәхет, иминлек һәм яңа хезмәт казанышлары телим. Апас муниципаль районы башлыгы Равил Хисаметдинов.
Азык-төлек сәнәгате хезмәткәрләре көне белән!
19 октябрьдә район үзәк китапханәсендә һәм Апас мәктәбендә апаслылар өчен тәүге тапкыр “Татарча диктант“ язу акциясе уздырыла.
Бүген хуҗалык җитәкчеләре, зоотехниклар, агрономнар катнашында агымдагы елның 9 аена йомгак ясау һәм киләсе елга планнар билгеләү буенча киңәшмә узды.
Быел район күләмендә барлыгы 100т мең тонна силос әзерләү бурычы куелды. Моңа ирешү өчен шартлар һәм мөмкинлекләр җитәрлек. Быел кукуруз, мәсәлән, барлыгы 5000 гектардан артык мәйданда чәчелде һәм уңышы да да яхшы. Бары тик кыр-силос базлары конвейеры гына сынатмасын. Төп җаваплылык эшне оештыручылар җилкәсенә төшә.
Апас мәдәният йортында “Дус класс серләре“ ата-аналар комитетлары республика бәйгесенең район этабы узды.
Бүген көндез болытлы һава торышы, бераз яңгыр, +13 градус..15°, көнбатыштан талгын җил. Атмосфера басымы норма чикләрендә. Геомагнит кыр тыныч. Якындагы төндә болытлы һава торышы, температура +5..+7°. Атмосфера басымы норма чикләрендә. 19 октябрьдә, тәүлек дәвамында болытлы һава көтелә, төнлә һәм көндез +5 градус..+7.
Бу көнне Апас муниципаль районы Башкарма комитеты бинасында түбәндәге чаралар үткәреләчәк:
Әлмәт шәһәрендә эчке эшләр бүлеге хезмәткәрләре арасында самбо буенча ярышлар узды. Биредә Апас районы командасы да катнашты. Аларның командасы беренче урын яулап, кубокка ия булды. Шулай ук шәхси җиңүләр дә бар. Үз үлчәм категорияләрендә Илшат Мухамов, Айдар Сибгатуллин – икенче, Илфат Шиһабиев, Алмаз Габдрахманов, Илнар Сафин өченче урынны яуладылар.