ЯҢАЛЫКЛАР
Районның социаль яклау идарәсе хезмәткәре Динара Корнева “Иң яхшы җәмәгать тәрбиячесе-2019“ республика бәйгесендә катнашты.Ул республика күләмендә икенче урынга лаек булды.
Бүген көндез алмашынучан болытлы һава көтелә, +9..11° көньяк-көнбатыштан талгын җил. Атмосфера басымы норма чикләрендә. Геомагнит кыр тыныч. Төнлә алмашынучан болытлы һава, температура +6..+8°. Атмосфера басымы норма чикләрендә. 18 октябрьдә, тәүлек дәвамында болытлы һава көтелә, бераз яңгыр, төнлә +6..+8°, көндез +11 ° .13°, көнбатыштан талгын җил.
Район башлыгы Равил Хисаметдинов район белән танышуны оешмаларда дәвам итә.
"Демография» милли проектын гамәлгә ашыру кысаларында Апас хастаханәсендә 1 июльдән башлап, гериатрия буенча белгеч теләсә кайсы өлкән һәм өлкән яшьтәге гражданнарны кабул итә торган кабинет булдырылды. 1 августтан Апас хастаханәсенең терапия бүлеге җирлегендә гериатрия бүлеге дә эшли башлады. Хәзерге вакытта Апас районында 65 яшьтән өлкәнрәкләр саны 3790 кеше тәшкил итә, бу исә шундый бүлекләр һәм кабинетлар булдыру кирәклеген тагын бер кат ассызыклый.
Район башлыгы Равил Хисаметдинов җитәкчеләр белән берлектә өч авыл җирлегенең һәм хуҗалыкларның эшчәнлеге белән танышты.
Апас мәктәбе укучылары бердәм булып көзге өмәгә чыкты.Һәр класс үзенә беркетелгән мәйданны җыештырды. Җәй буе ямь биреп үскән чәчәкләрнең орлыкларын да җыйдылар. Җирләр казылды, чүпләре түгелде.
Апасның 2008 елгы яшь хоккейчыларын берләштергән “Медведи“ командасы Арчада ярышларда катнашты.
15 октябрьдә «Бердәм РОССИЯ» партиясенең Апас җирле бүлекчәсендә Татарстан Республикасы Дәүләт Советы алтынчы чакырылыш депутаты Фәнил Баһаветдинов халыкны шәхси кабул итте.
Райондашлар тормыш-көнкүрешебезгә кагылышлы сораулар белән мөрәҗәгать иттеләр. Фәнил Баһаветдинов район үзәк хастаханәсе, гериатрия бүлеге белән дә танышты.
Казанда «Пирамида» КСКда Татарстан Республикасы Президенты каршындагы Эшкуарлар советының XIII киңәйтелгән утырышы узды. Чарада республиканың 200дән артык эшкуары, республика хакимияте органнары җитәкчеләре, муниципаль районнар башлыклары, Татарстан Республикасы Дәүләт Советы депутатлары катнашты.
“Свияга“ агрофирмасының “Апас“ берләшмәсендә дә көзге сукалау эшләре бара.