ЯҢАЛЫКЛАР

23-24 февральдә “Алтын алка“ боз сараенда 2005 елгы хоккейчылар арасында ярышлар уза. Биредә Апас, Буа, Казан, Яр Чаллыдан командалар катнаша. Башлана 9.00 сәгатьтә. 24 февральдә 2006 елгы хоккейчылар Татарстан Республикасы беренчелегенә көч сынаша. Ярыш сәгать 13.00дә башлана. (0+).

Каратун станциясендә 17 февраль кичендә булган янгын сәбәпле, районның гадәттән тыш хәлләр комиссиясенең чираттан тыш җыелышы узды. Биредә янгынның сәбәпләре уртага салып сөйләшенде, янгын куркынычсызлыгы кагыйдәләрен катгый үтәү бурычы куелды. Киңәшмәне район башкарма комитеты җитәкчесе Алмаз Гыйбадуллин алып барды.

1 мартта район мәдәният йортында Апаста яшәүче Данил Усмановка ярдәм итү максатыннан Хәйрия концерты оештырыла. 

Район башкарма комитеты җитәкчесе урынбасары Шамил Гаффаров җитәкчелегендә төзелгән махсус комиссия Әнәледә һәм район үзәгендәге сәүдә нокталары, балалар бакчалары, мәктәп ашханәләре, җәмәгать туклануы предприятиеләрендә булып, биредә эшләүчеләр белән очрашты.

Бүген, 31 гыйнварда районның административ бинасында Халык мөрәҗәгатьләре белән эшләү буенча Татарстан Республикасы Президент идарәсе җитәкчесе Роза Килькеева шәхси кабул итүләр уздырды.

- Без ай саен районнарда булып халык белән шәхси кабул итүләр үткәрәбез. Биредә яшәүче кешеләрнең шәхсән үзләрен борчыган сорауларына уңай җавап табып, мәсьәләне хәл итәргә тырышабыз, - ди идарә җитәкчесе. Кабул итүләрдә апаслылар да актив катнашты. Алар төрле мәсьәләләр буенча үзләрен борчыган сорауларга җаваплар алдылар.

Сәнгать мәктәбе, “Сәләт” балалар иҗат үзәге коллективлары үзәк паркта Яңа ел чыршысы янында 4 январь кичендә апаслылар һәм район кунакларын бик күңелле ял иттерде.

Яңа ел бәйрәмнәре вакытында Үзәк ял паркындагы Чыршы янында кеше өзелеп тормады.

Иске Әнәле авылында "Сагынып көттек ел буе" дип исемләнгән балалар бәйрәме узды.

31нче гыйнварда, 10-13 сәгатьләрдә Апас муниципаль район административ бинасында (Апас, Совет урамы, 2 йорт) Халык мөрәҗәгатьләре белән эшләү буенча Татарстан Республикасы Президент идарәсе җитәкчесе Роза Килькеева шәхси кабул итүләр уздыра. Кабул итүләргә язылу өчен телефон - (843)567-88-57. 

"Алтын алка" боз сараенда Яңа елны искечә каршы алу уңаеннан массалы шуу-дискәтүк булды.