Муниципаль районнар Апас муниципаль районы

ЯҢАЛЫКЛАР

гыйнвар, 2015 ел

җомга

Районда Бөек Җиңүнең 70 еллыгын каршылау буенча әзерлек эшләре башланды

Бөек Җиңүнең 70 еллыгы уңаеннан районда җаваплы кешеләрне берләштергән комиссиянең чираттагы утырышы булды. Биредә мәдәният, мәгариф, социаль яклау һәм сәламәтлек саклау оешмалары үз фикер, тәкъдимнәрен белдерде. Шушы тәкъдимнәргә нигезләнеп, эш планы билгеләнде. Районда узган һәр чара “Йолдыз” газетасы битләрендә, “Апас хәбәрләре” эфирында һәм www.apastovo.ru сайтында “Сугыш көйдергән язмышлар” дигән рубрика-баннер астында яктыртылып барачак.

Апаслыларга тизрәк машина тәрәзәләрен тәртипкә китерергә кирәк

Тәрәзәләрен чамадан тыш каралтучы машина хуҗаларына 1 февральдән “ау” башлана. Кабат эләккән мондый машина хуҗасы 15 тәүлеккә тоткарланудан тыш аның машинасының теркәлүе дә гамәлдән чыгарыла.

Азбабаның Александра чиркәве эшчәнлеге өчен Зеленовлар гаиләсе зур көч куя

Азбабада 25 ел почтальон булып эшләүче Алена Зеленова авылның изге Александра чиркәве эшчәнлеге өчен дә җаваплы хәзер. Аның тирәсен тәртиптә тоту, җылыту эшендә аңа бик булдыклы ире Александр да ярдәм итә.

гыйнвар, 2015 ел

пәнҗешәмбе

Апаста быелгы язгы кыр эшләренә якынча 150 миллион сум акча кирәк булачак

Район авыл хуҗалыгы идарәсе җитәкчесе Ильяс Заһидуллин белдерүенчә, язгы кыр эшләрен тиешенчә башкарып чыгу өчен 1000 тонна ягулык кирәк булачак. Төрле ташламалар, дәүләт субсидияләре белән бу 32 миллион сум. Техниканы кыр эшләренә әзерләү, запас частьларга 10 миллион сумлык чыгым кирәк.

"Җиңү салюты" бәйгесе старт алды

Бөек Җиңүнең 70 еллыгы уңаеннан районда авыл җирлекләре арасында “Җиңү салюты” дип исмеләнгән халык иҗаты фестивале старт алды. Ул 7 зонада узачак. Багыш, Чүрибураш, Азбаба, Урта Балтай, Зур Күккүз, Биеш, Ябалак мәдәният йортларында авыл җирлекләре үз осталыкларын күрсәтәчәк. Сугыш ачысы, җиңү шатлыгы, тыл тормышы, хәрбиләр язмышы, шулай ук сугыш чоры җырлары, шул теманы яктырткан биюләр сәхнә түрендә булыр дип көтелә.

Әнәлеләр клуб белән саубуллаштылар

Иске Әнәле авылында узган атнада республика һәм җирле бюджетка нигезләнеп яңа клуб төзеләчәге билгеле булды. Иске Әнәле авылы бу яңалыкны бик сөенеп кабул итте. Чөнки инде 1883 елда ук төзелгән клуб бинасы шактый искергән, таушалган иде. Бу уңайдан авылның олысы да кечесе дә иске клуб бинасы белән саубуллашырга дип кичәгә җыелдылар.

Апас мәктәбе укучылары иң күп китап укучылар белән очраштылар

Әдәбият елы уңаеннан үзәк китапханәдә Апас мәктәбенең 10 сыйныф укучылары (җитәкчеләре Рания Гомәрова) иң күп китап укучылар белән очраштылар. Бану Кадыйрова, Миләүшә Вәлиуллина, Азат Сункишев, Наил Шәвәлиевлар укучылар алдында кызыклы да, эчтәлекле дә чыгышлар ясадылар, сорауларга җаваплар бирделәр. Китапханәчеләр Венера Салаватова белән Руцилә Садриева оештырган бу чарадан һәркем канәгать калды.

Казанда 8 мәйданчыкта авыл хуҗалыгы ярминкәләре була

24 гыйнварда, шимбә, Казанда 7 мәйданчыкта авыл хуҗалыгы ярминкәләре дәвам итә, К.Тинчурин урамындагы сәүдә территориясе 8 нчесе эшләячәк. Ярминкәләр 8.00 сәгатьтә башлана, дип хәбәр итә Казан мэриясе матбугат хезмәте.

гыйнвар, 2015 ел

чәршәмбе

Апас яшь хоккейчылары күрше район командалары белән очраша

21-22 гыйнварда районның боз сараенда 9.30-15.30 сәгатьләрдә 2000-2001 елгы балалар арасында “Алтын алка” яшь хоккейчылар клубы бөтенроссия ярышларының республика этабы була. Биредә Апас, Кайбыч, Югары Ослан, Тәтеш, Кама Тамагы районнарының яшь спортчылары катнаша.

Татарстанның полиция хезмәткәрләре узган елда куелган бурычларны уңышлы һәм профессиональ төстә хәл итте – ТР Президенты

2014 нче елда Татарстанда 44 мең 781 җинаять кылынган, бу, алдагы ел белән чагыштырганда, берникадәр кимрәк. 2013 нче елда теркәлгән җинаятьләрнең саны 46 меңнән артык иде. Узган елда кылынган җинаятьләр, саны ягыннан, соңгы 20 елда иң азы.

Бу хакта бүген ТР буенча Эчке эшләр министрлыгының ТР Президенты Рөстәм Миңнеханов катнашында узган киңәйтелгән коллегия утырышында министр Артем Хохорин билгеләп үтте. “ТР буенча Эчке эшләр министрлыгы вәзгыятьнең тотрыклылыгын һәм гражданнар куркынычсызлыгын тәэмин итүгә юнәлдерелгән төп бурычны хәл итүгә иреште”, - дип белдерде А. Хохорин.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ