Муниципаль районнар Апас муниципаль районы

ЯҢАЛЫКЛАР

гыйнвар, 2015 ел

дүшәмбе

Кабатланмас студент еллары... Кемнәр генә искә алмый, сагынмый икән аны! Ничәмә еллар узгач та, белем йорты сукмагы, имтиханга әзерләнүләр, тулай торак бүлмәсе хәтердә яңара, төшләргә керә. 25 гыйнвар – студентлар көне. "Йолдыз" газета укучылары өчен дә бик истәлекле ул. Хәтер сандыгында ниләр яши?! Райондашларыбыз фикере:

Район башкарма комитет җитәкчесе Мактау Грамотасы тапшырды

Вәлиева Фәния Гәпсәләм кызы Партия авторитетын үстерүдә шәхси өлеш керткәне, “Бердәм Россия” Бөтенроссия сәяси партиясенең Татарстан региональ бүлеге эшчәнлегендә актив һәм нәтиҗәле катнашканы өчен Мактау Грамотасы белән бүләкләнде. Аны бүгенге киңәшмәдә район башкарма комитет җитәкчесе Равил Хисаметдинов котлады.

Рәсәйкүләм җиңү.

Биеш мәктәбе укытучысы Галина Алексеева Рәсәй Федерациясенең мәгариф һәм фән министрлыгы тарафыннан үткәрелгән “Мой лучший урок” конкурсында җиңеп чыга. I урынна яулаган Галина Юрьевага диплом һәм медальне район башкарма комитеты җитәкчесе Равил Хисаметдинов тапшырды.

Мәүлед аеның соңгы көнен Апас Җәмигъ мәчетендә зурлап билгеләп үттеләр

Җәмигъ мәчетендә мәүлед аеның соңгы көнен зурлап билгеләп үттеләр. Казан шәһәре һәм Татарстаннның Идел аръягы баш казые Мәхмүт, Инсаф хәзрәтләр, Биектау районы мөхтәсибе Тәлгать хәзрәт, Казанның Шамил мәчете имамы Фазыл хәзрәтләр катнашында үткән бу чарага район мәчетләре имамнары, мәхәллә халкы да чакырулы иде. Район башлыгы урынбасары Гөлчәчәк Мәүлетова чыгыш ясап, район башлыгының изге теләкләрен җиткерде һәм диндарларны Мәүлед ае төгәлләнү белән котлады.

гыйнвар, 2015 ел

җомга

Марат Әхмәтов: “Быел без халыкны Россия азык-төлеге белән тәэмин итәргә тиеш”

ТР Авыл хуҗалыгы һәм азык-төлек министрлыгында Россия авыл хуҗалыгы күзәтчелеге хезмәтенең ТР буенча идарәсе белән ТР Министрлар Кабинетының Баш ветеринария идарәсенең уртак коллегиясе узды, анда 2014 елгы эшчәнлеккә нәтиҗә ясалды һәм 2015 елга перспективалы юнәлешләр билгеләнде.

Артем Хохорин ЮХИДИ идарәсе коллегиясендә: “Тынычланыр өчен нигез юк”

2014 елда Татарстанда балалар катнашында 615 юл-транспорт һәлакәте булган, аларда 14 сабыйның гомере өзелгән (узган ел белән чагыштырганда, 12гә азрак). Имгәнүчеләр саны исә 30га арткан – барлыгы 665 бала җәрәхәтләнгән, имгәнгән. 281 автоһәлакәт пассажир балалар катнашында булган. Аларда 10 бала һәлак булган. Әлеге 10 нарасыйның 6сы махсус креслога утыртылмау сәбәпле үлгән. Бу хакта бүген ТР буенча Эчке эшләр министрлыгы ЮХИДИ идарәсенең Татарстан Дәүләт автоинспекциясенең 2014 ел эшчәнлеге нәтиҗәләренә багышланган коллегия утырышында республиканың баш автоинспекторы Рифкать Миңнеханов җиткерде.

Район башкарма комитеты җитәкчесе Равил Хисаметдиновка “соры хезмәт хакы” турында берничә сорау

Равил Фәритович, 1 гыйнвардан хезмәт закончалыкларын бозган, кешене эшкә алганда тиешенчә рәсмиләштереп, акчасын тулысынча түләмәгән өчен җаваплылык катгыйлануы турында язган идек инде. Бу хакта төгәлрәк аңлатып үтсәгез иде.

– Әйе, ел башыннан кергән законнар җаваплылыкны катгыйландырды. Мисал өчен, минималь хезмәт хакы күләме, аны бирү вакыты бозылган очракта, җаваплы затларга һәм юридик зат булмаган эшмәкәрләргә бер меңнән биш меңгә кадәр, юридик затларга утыз меңнән илле меңгә кадәр административ штраф каралган. Хезмәт килешүе төзелмәгән, хезмәт мөнәсәбәтләре бозылган очракта, кешегә өч меңнән биш меңгә, җаваплы затка ун меңнән егерме меңгә кадәр штраф түләргә туры киләчәк.

Районда Бөек Җиңүнең 70 еллыгын каршылау буенча әзерлек эшләре башланды

Бөек Җиңүнең 70 еллыгы уңаеннан районда җаваплы кешеләрне берләштергән комиссиянең чираттагы утырышы булды. Биредә мәдәният, мәгариф, социаль яклау һәм сәламәтлек саклау оешмалары үз фикер, тәкъдимнәрен белдерде. Шушы тәкъдимнәргә нигезләнеп, эш планы билгеләнде. Районда узган һәр чара “Йолдыз” газетасы битләрендә, “Апас хәбәрләре” эфирында һәм www.apastovo.ru сайтында “Сугыш көйдергән язмышлар” дигән рубрика-баннер астында яктыртылып барачак.

Апаслыларга тизрәк машина тәрәзәләрен тәртипкә китерергә кирәк

Тәрәзәләрен чамадан тыш каралтучы машина хуҗаларына 1 февральдән “ау” башлана. Кабат эләккән мондый машина хуҗасы 15 тәүлеккә тоткарланудан тыш аның машинасының теркәлүе дә гамәлдән чыгарыла.

Азбабаның Александра чиркәве эшчәнлеге өчен Зеленовлар гаиләсе зур көч куя

Азбабада 25 ел почтальон булып эшләүче Алена Зеленова авылның изге Александра чиркәве эшчәнлеге өчен дә җаваплы хәзер. Аның тирәсен тәртиптә тоту, җылыту эшендә аңа бик булдыклы ире Александр да ярдәм итә.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ