ЯҢАЛЫКЛАР
Аерым алганда, Гражданлык җәмгыяте үсеше фонды рейтингның сигезенче чыгарылышын тәкъдим итә.
Рейтингны төзегәндә “Җәмәгатьчелек фикере” фондының «Георейтинг» тикшерү мәгълүматлары, Россия Дәүләт статистикасы федераль хезмәте материаллары буенча төбәктәге икътисади хәлгә бәяләмә, “Илкүләм мониторинг хезмәтенең медиа-нәтиҗәлелек индексы, эксперт бәяләүләре һәм Россия төбәкләренең социаль хәле күрсәткечләре исәпкә алынган.
Татарстан Республикасы Президенты Рөстәм Миңнеханов рейтингның беренче төркемендә Төмән өлкәсе губернаторы Владимир Якушев белән бер үк төрле балл (75 баллдан артык) белән 4-5 урыннарны булеште.
Район әфганчылар һәр хәрби хәрәкәтләрдә катнашучылар оешмасы 14 февральдә Зур Күккүз наратлыгында үз кубок-призларына чираттагы, унбишенче биатлон ярышлары үткәрә. Ярышларга барлык район урта мәктәп командалары чакырыла.
15 февральдә Апаста 2001 елгы мәктәп балалары арасында Татарстан беренчелегенә “Алтын Алка” ярышларының чираттагысы узачак. Бу көнне 10.00 сәгатьтә Апас һәм Сарман районы яшь хоккейчылары ярымфиналга үтү өчен көрәшәчәк. Үзебезнекеләргә көч биреп торырга килегез!
14 февральдә Иске Йомралы мәктәп яны ачык хоккей мәйданчыгында Апас аграр көллияте укытучысы Рөстәм Мингазиев кубок һәм призларына мәктәп балалары арасында чираттагы, алтынчы хоккей турниры үткәрелә. Уеннар 10.00 сәгатьтә башлана.
Шул ук көнне Апас Боз саренда Татарстан Кубогына районыбызның “Свияга” һәм Чирмешән районы җыелма командаларының 4/1 финал ярышлары үтәчәк. Башлана – 15.00 сәгатьтә. Хоккей белән мавыгучыларны һәм җанатарларны спорт бәйрәмнәренә көтеп калабыз!
Апастан 497 егет һәм кыз югары уку йортында белем ала. 320 яшь кеше урта һөнәри уку йортларында укый. 39 райондашыбыз читтән торып белгечлек ала.
Яшьләргә ярдәм итү, дөрес юл күрсәтү максатыннан районда күп кенә чаралар оештырыла. Район башлыгы Рәшид Заһидуллин тырышлыгы белән менә берничә ел рәттән Казанның югары уку йортлары җитәкчеләре, уытучылары, белгечләре Апаска килеп, даими рәвштә БДИга әзерлиләр, укудагы яңалыклар белән таныштыралар.