ЯҢАЛЫКЛАР
1 ноябрьгә районда барлыгы 19709 баш мөгезле эре терлек исәпләнә, көтү узган елга караганда 96 башка артты. Менә шушы һәм башка сан-күрсәткечләргә нигезләнеп, Татарстан авыл хуҗалыгы министрлыгы һәр районга индекслар куеп чыкты. Игенчелек буенча без рейтингта республика буенча сигезенче, терлекчелек буенча унынчы урында. Беренче “унлык”тагы районнар ит-сөт, ашлык җитештерүчеләргә дәүләт ярдәмен, төрле субсидияләрне башкаларга караганда күбрәк алачак, – ди район авыл хуҗалыгы идарәсе җитәкчесе Ильяс Заһидуллин.
Апас авылында гомер кичерүче Ринат һәм Кәүсәрия Салаховларны белмәгән кеше сирәктер. Укытучы һөнәрен сайлаган бу парларга районның төрле мәктәпләрендә эшләргә туры килә. Кәүсәрия апа яраткан хезмәтенә кырык ел гомерен багышлый, ә Ринат абый ике дистә ел эшләгәннән соң, партия, совет эшенә килә.
Иң тырыш, максатчан хезмәткәрләргә Рәхмәт хатлары, Мактау грамоталары тапшырылды. Эчке эшләр бүлеге җитәкчесе Рамил Хәбибуллин, район башлыгы урынбасары Марат Нуриев, район хәрби комиссары Илшат Паймурзин, “Свияга” ял-сәламәтләндерү үзәге җитәкчесе Хәйдәр Булатов, Гадәттән тыш хәлләр бүлеге җитәкчесе Руслан Ромачков хокук сакчыларының намуслы хезмәтен билгеләп үттеләр һәм иң изге теләкләрен юлладылар.
Апас эчке эшләр бүлеге хезмәткәрләре Яр Чаллы шәһәрендә узган республикакүләм самбо ярышларында катнаштылар. Илфат Шиһабиев, Айрат Нуруллин, Ринат Паймурзин, Ранис Халиков, Илшат Мухамовны берләштергән Апас районы командасы биредә дүртенче урынны яулады. Ринат Паймурзин үз үлчәм авырлыгында өченге урынга лаек булды. Аңа медаль һәм Мактау грамотасы бирелде.
Һәр авылда изге җанлы кешеләр булган кебек, безнең Татар Ябалагында да изге гамәл кылучы Дамир Рәхмәтуллин бар.
Соңгы вакытта ялган аракыдан агуланып үлүчеләр саны артып бара. Халыкның сәламәтлеген саклау максатыннан аракы сату нокталарын контрольгә алу бурычы куелды. 2016нчы елның 1 гыйнварына кадәр алкоголь сатучы һәрбер сәүдә ноктасы ЕГАИС дәүләт системасына тоташтырылырга тиеш. Системага тоташмаган очракта сәүдә ноктасына алкоголь продукциясе сату тыелачак. Районда сәүдә нокталары вәкилләре белән очрашып аңлату, сөйләшү эшләре бара, - диде район башкарма комитеты җитәкчесе урынбасары Булат Гыйльманов.
6 ноябрь көнне Олы Бакырчы авылы мәдәният йортында “Хәерле юл сезгә, егетләр!” дип исемләнгән музыкаль кичә булып узды. Көзге чакырылышта хәрби бурычларын үтәргә китәчәк авыл егетләренә багышланган иде ул. Быел алар бишәү: Зөлфәт Кәлимуллин, Артур Сәгъдиев, Фаил Вәлиев, Алмаз Рәхмәтуллин һәм Рамил Джангулов Ватан алдында изге бурычларын үтәячәк. Мәдәният йорты хезмәткәрләре аларны зурлап бик эчтәлекле концерт әзерләгән. Беренче итеп сүз авыл җирлеге башлыгы Фәрит Вәлиевкә бирелде. Ул егетләргә хәерле юллар, уңышлы хезмәт итеп, туган якка әйләнеп кайтуларын теләде. Авылның мулласы Шәүкәт абый Гәйнетдинов та булачак солдатларга изге догаларын җиткерде, бирешмәскә, кыю булырга, зур уңышларга ирешеп кайтырга өндәде.
Мәктәпне тәмамлаган һәр укучы ниндидер һөнәр үзләштерү өчен укуын төрле юнәлештә дәвам итә. Берәүләр югары уку йортына юл тота, икенчеләре техникум-училищеларга укырга керә.
Укучылар арасында нинди фәннән имтихан бирергә, нинди һөнәр сайларга дип аптырап калучылар да була.
5-7 ноябрьдә Яшел Үзән шәһәрендә академик Кирпичников исемендәге химия лицеенда “Фән фестивале – 2015“ бәйгесе үтте. Урта Балтай мәктәбеннән Алсу Нуруллина җитәкчелегендә Алсинә Рәхмәтуллина белән Албина Колкова бу бәйгедә катнашып үз проектларын якладылар һәм жюри тарафыннан югары бәя алдылар. Беренче урынны яулаган кызлар беренче дәрәҗә дипломнар белән бүләкләнделәр. Җитәкчеләре Алсу Нуруллина Татарстан Республикасы мәгариф һәм фән министрының Рәхмәт хатына һәм Дипломга лаек булды.
Татарстанның Идел аръягы районнарында янгын куркынычсызлыгы зона отряды идарәсе Апаста урнашкан. Аның җитәкчесе Леонид Ромачков: