Муниципаль районнар Апас муниципаль районы

ЯҢАЛЫКЛАР

октябрь, 2015 ел

җомга

10 октябрь, шимбә көнне, район үзәгендә, өлкәннәр ункөнлеге уңаеннан, авыл хуҗалыгы товарларын сату ярминкәсе була. Башлана – 8.00 сәгатьтә. Рәхим итегез!

Көзләрдә дә язлар кабатлана

Бүген иртүк шалтыраган телефон тавышына уянып киттем. Кем булыр икән бу дип аптырап төштем. Миләүшә икән. Өлкәннәр белән котларга шалтырата. Ул җылы итеп котлап, хәлләремне сорашты, ягымлы сүзләре белән күңелемә үтеп керде. Олы кешегә күп кирәкмени?! Рәхмәт аңарга.

сентябрь, 2015 ел

пәнҗешәмбе

Быел Корбан гаете 24 сентябрьгә туры килә

Татарстан мөселманнары Диния нәзарәте корбан чалу, бәйрәм намазы белән бәйле кайбер сорауларга ачыклык кертә.

2015 елның 21 сентябендә 12.00 сәгатьтә район Советы һәм Башкарма комитетының утырышлар залында эченче чакырылыш Апас муниципаль район Советының беренче утырышы узачак.

Көн тәртибендә Апас муниципаль район башлыгын, аның урынбасарын сайлау һәм башка мәсъәләләр карала.

Апас районы җылыту сезонына тулы әзерлектә

Районда мәгариф тармагына караган 19 мәктәп, 35 балалар бакчасы, 62 халык сәламәтлеген саклау, 65 мәдәният, 2 халыкны социаль яклау, 2 спорт объекты-бина һәм корылмалар исәпләнә. Аларның барысы да 2015-2016 ел кыш-җылыту сезонына тулы әзерлектә. Барлык объектларны да быелгы ягу-җылыту сезонына май аеннан ук әзерли башладык. Районда шулай ук күпкатлы 36 торак йортлар бар һәм алардагы фатирларга ике контурлы эчке газ мичләре монтажланган-бу җиһазлар төзек, кышка яхшы әзерлек белән керергә тиеш. Монысы-милекчеләр җаваплылыгында,-дип белдерә район башкарма комитеты җитәкчесе урынбасары Айрат Хәсәнов.

“Буанефтепродукт”ның Каратун филиалы егетләре республикакүләм бәйгедә – беренче

“Буанефтепродукт”ның Каратун филиалы егетләре Фәнис Шәрәфиев, Рафаэль Исмәгыйлев, Фирдүс Мөхәммәтҗанов, Наил Гәрәев Норлатта ирекле янгын сүндерү дружиналары арасында узган бәйгедә беренчелекне яуладылар. Алар һөнәри осталыкларын бар яклап күрсәтте.

сентябрь, 2015 ел

якшәмбе

Көнемне бүген лаеклы кешеләргә тавыш бирүдән башладым

882 номерлы Иске Әнәле сайлау участогында да ерактан ук бәйрәм рухы сизелде. Сайлаучыларны җыр-музыка, тәмле коймак, шашлык каршы алды.

– Бездә 296 сайлаучы бар. Алар бер-бер артлы сайлауга килә. Участокның бушап торганы юк. Барысы да гадел һәм оешкан төстә бара, – ди участок сайлау комиссиясе рәисе Марат Ногманов.

Иске Әнәледә соңгы елларда бик күп күзгә күренерлек эшләр эшләнде, тормыш шартлары яхшырды. Бу – сайлаучыларның күңел күтәренкелегендә дә чагыла.

– Бик күпне күргән кеше буларак, бүгенге тормышка сөенеп бетә алмыйм. Көнемне дә бүген лаеклы кешеләргә тавыш бирүдән башладым, – ди Иске Әнәленең иң өлкән кешесе Мансур Шиһабиев.

Апасның үзәк китапханәдә урнашкан сайлау участогында иң беренче булып Рафыйкъ Гайнетдинов бюллетеньнар алды һәм тавышын бирде

Апасның үзәк китапханәдә урнашкан 881нче сайлау участогына иртәдән үк халык агылды. Биредә Апасның 10 урамында яшәүче 937 сайлаучы теркәлгән. Халык бик теләп Татарстан Президенты һәм җирле үзидарә депутатлары өчен тавышын бирә. Алар бар да күтәренке кәеф белән сайлау участогына килә, үз фикерен белдерә.

сентябрь, 2015 ел

пәнҗешәмбе

Узган шимбәдә Казан Агропаркында апаслылар сәүдә итте

Узган шимбәдә Казан Агропаркында Чирмешән, Черкен, Балтай, Сатмыш, Дәвеш, Бакырчы, Биеш, Акхуҗа, Ындырчы, Болынбалыкчы авыл җирлекләре сәүдә итте. Апаслыларның товар төрлеге, сатып алучылар күплеген министр аерым билгеләп үтте. Агрофирма, “Алга”, “Табар”, “Яңа юл”, Рәхимов исемендәге хуҗалыклар алып барган азык-төлеккә дә сорау зур булды. 19 сентябрьдә апаслылар икенче ярминкәдә катнашачак. График буенча чираттагы ярминкәгә Әлмәндәр, Болгаер, Күккүз, Ишееево, Каратун, Кызылтау, Коштавылы Йомралы, Тутай, Чүрибураш авыл җирлекләре әзерләнә.

Яшь апаслыларга тантаналы төстә паспорт тапшыра башлауга ике ел

Бу юлы да район хакимиятенең зур утырышлар залы район яшүсмерләре һәм аларның әти-әниләре карамагында иде. Биредә тантаналы шартларда 14 яше тулган апаслыларга паспортлар тапшырылды. Ике ел элек традициягә кергән шушы тәртиптә районның барлыгы 455 егет һәм кызы тәүге төп документын Апаска килеп, әнә шундый гомергә истә калырлык вакыйгада катнашып кулына алды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ