ЯҢАЛЫКЛАР

30
октябрь, 2015 ел
җомга
Апаслылар, сак булыгыз: юлларда көчле бозлавык
Һаваның температурасы кинәт төшүе күзәтелү нәтиҗәсендә, алдагы төндә һәм 30 октябрьдә юлларда бозлавык хасил булырга һәм кар төшүе мөмкин. Шуңа да юлларда игътибарлырак булырга кирәк.
Болгарда төзелә торган кунакханәгә иң яхшы исем сайлауда интернет-тавыш бирү старт ала
Бүгеннән "Болгарда төзелә торган кунакханәгә иң яхшы исем"  өчен интернет-тавыш бирү старт ала. Бу хакта "Татар-информ" мәгълүмат агентлыгында матбугат конференциясендә игълан ителде.
28
октябрь, 2015 ел
чәршәмбе
“Апас хәбәрләре” телекомпаниясенең шеф-редакторы Гөлнара Сөнгатуллинага Татарстан Республикасының Дәүләт Советы рәисе Фәрит Мөхәммәтшинның Рәхмәт хаты тапшырылды
26 октябрьдә Казан шәһәренең мәдәни үзәгендә “Татарстан – Яңа гасыр” республикакүләм иҗтимагый хәрәкәтенең чираттагы утырышы узды. Биредә “Апас хәбәрләре” телекомпаниясенең шеф-редакторы, “Татарстан – Яңа гасыр” республикакүләм иҗтимагый хәрәктенең Апас бүлеге җитәкчесе Гөлнара Сөнгатуллина да катнашты. Иҗтимагый хәрәкәтнең эшчәнлегенә саллы өлеш керткәне, аның программаларын тормышка ашыруда зур көч куйганы өчен Гөлнара Сөнгатуллинага Татарстан Республикасының Дәүләт Советы рәисе Фәрит Мөхәммәтшинның Рәхмәт хаты тапшырылды. Хезмәттәшебезне котлыйбыз, яңа уңышлар телибез!
Җәяүле апаслылар игътибарына: караңгыда, махсус яктылыкны кире кайтару элементсыз юлга чыкмаска киңәш ителө
Көннең кыска, караңгы вакытына кердек, дуслар!  Иртә караңгылана, юлларда юеш, пычрак. Бу үз чиратында юл-транспорт һәлакәтләре китереп чыгарырга мөмкин. Шуңа да барлык апаслыларны юлларны аркылы чыкканда яисә юл кырыеннан барганда аеруча сак булырга чакырабыз. Шулай ук торак пунктлардан читтә юл кырыеннан баручы җәяүлеләрнең барысы да яктылыкны кире кайтару элементы булган кием кияргә яисә инде махсус шундый предметтан файдаланырга тиеш. Чөнки машина йөртүче яктырткыч элементы булмаган җәяүлене 50 метр ераклыктан гына күрә алса, тиешенчә “җиһазланган” җәяүлене 200 метр арадан ук чамалый. Шул рәвешле, әлеге махсус элементлар җәяүлеләр катнашында килеп чыга торган аварияләрне 65 процентка киметергә сәләтле. 
Апас Боз сараенда яңалык
Апас Боз сараенда шугалакка керү бәяләре үзгәрде: хәзер балалар өчен 30 сум, ә олылар өчен 50 сум. Тимераяклар булмаганда бер дә борчылырга кирәкми. Аларны биредө прокатка да алырга мөмкин. Бәяләре үзгәрмәгән.
“ЭКОлидер“ бәйгесе дәвам итә

Татарстан Республикасының Экология һәм табигый ресурслар министрлыгы “ЭКОлидер“ бәйгесе игълан иткән иде. Бәйге әйләнә-тирә мохитне саклау, халыкны экология проблемаларына тарту, шулай ук табигатьне саклау юнәлешендә эшчәнлек алып баручыларны хөрмәтләү, бүләкләү максатыннан үткәрелә. Бәйге эшләре 15 ноябрьгә кадәр кабул ителә. Нәтиҗәләр декабрьдә чыгарыла.

Тулырак мәгълүмат http://eco.tatarstan.ru/rus/respublikanskie-konkursi-ekolider-i-chelovek-i.htm сайтында.
Апас командасы дзюдо буенча икенче урынны яулады
Буада дзюдо буенча районара ярышлар узды. Анда 6 командадан 70кә якын яшь спортчы катнашты. Нәтиҗәләр буенча, Илгизәр Вәлиуллин җитәкчелегендәге Апас районы командасы икенче урынны яулады. Үз үлчәү категорияләрендә Апас мәктәбеннән Булат Сәмигуллин, Ләлә Имаметдинова, Илмир Сабиров, Азбабадан Айрат Галиәкбәров беренче урынны яулады. Апас мәктәбеннән Лилия Әхмәтҗанова, Ранил Бигеев, Рузил Сибгатуллин, Алия Светлакова, аграр көллияттән Мария Минкина, Азбабадан Ландыш Галиәкбәрова – икенче урында. Хәсәнова Индира һәм Рифат Галиәкбәров өченче урынны алды. 
26
октябрь, 2015 ел
дүшәмбе
Үзәк ял паркы үзгәрде, көязләнде

Татарстан Республикасы Президентының парклар һәм скверлар буенча ярдәмчесе Наталья Фишман Апас районында булды.

Әлеге эшлекле сәфәрнең төп максаты – район җитәкчелеге белән берлектә Парк һәм скверлар елына нәтиҗәләр ясау, төзелгән объектларны карау, киләчәккә билгеләнгән планнарны уртага салып сөйләшү иде. 
15
октябрь, 2015 ел
пәнҗешәмбе
Болынбалыкчыда яшәүче Сария әби Әгълиуллинага – 90 яшь
Болынбалыкчыда яшәүче Сария әби Әгълиуллина 90 яшьлек олы юбилеен каршы алды. 
12
октябрь, 2015 ел
дүшәмбе
“Йолдыз” газетасының беренче юбиляры

Бүгенге көндә Казан шәһәрендә кызы Сөембикә тәрбиясендә яшәүче Фәрзәнә апаны юбилее уңаеннан Апаска алып кайттылар. Үз өендә, туганнары, дуслары, күршеләре янәшәсендә булуны зур бәхеткә саный ул.

ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International