ЯҢАЛЫКЛАР

10
сентябрь, 2015 ел
пәнҗешәмбе
Апас районының Рәхимов хуҗалыгында 500 гектарда яңа уҗым культурасын чәчеп, сынап карарга булганнар
Хәзерге корылыклы һава шартларында уҗым культуралары чәчү мәйданының яртысын биләсә дә артык була алмый. Басуларда көзге рапс, арпа сортлары әйләнешкә керә. Рәхимов исемендәге хуҗалык быел  яңа уҗым культурасы- РЫЖИК сортын 500 гектарда чәчеп, сынап карарга булды. Ул көзге рапс сыманрак, чәчәге дә шундый ук сары төстә, тик кузагы без көтүче сумкасы дип әйтергә күнеккәнчә, өчпочмак рәвешле майлы культура. Силосы бик яхшы, туклыклы була, орлыгынннан май алырга мөмкин.
9
сентябрь, 2015 ел
чәршәмбе
“Парк һәм скверлар көннәре”ндә Апаста киң күләмле чаралар үтте
Татарстан Республикасында 5-6 сентябрь “Парк һәм скверлар көннәре” буларак игълан ителде. Шул уңайдан районда да киң күләмле чаралар үтте һәм анда республикадан танылган шәхесләр катнашты. Фестиваль программасында Апасның үзәк урамы скверы буйлап сәяхәт, һәйкәлләр ачу, әдәби-музыкаль тамаша каралган иде.
Иске Әнәле үзешчәннәре яңа клуб сәхнәсен гөрләтте
Иске Әнәле авылы клубында авыл үзешчәннәре көче белән әзерләнгән концерт булды. Биредә олысы-кечесе бик теләп катнашты. Оста җырчы-биючеләре белән данлыклы ул Иске Әнәле. Клуб мөдире Альмирә Сәлахова әнә шулай дип белдерде. 
Апаста җиденче “Зәлидә” бүген һәм шул ук урында узачак
2 сентябрьдә район Мәдәният йорты каршында оештырылган алтынчы “Зәлидә” яңгыр башланмаса, гадәттәгечә кичке тугыз-унсыз төгәлләнмәячәк иде әле. Алай да халык уеннары, җыр-бию яратучылар яңгыр сибәли башлагач фойега кереп тамашаны дәвам иттеләр. Монысында да апаслыларны Биеш, Каратун һәм Балтайдан килгән һәвәскәрләр, җирле клуб, Мәдәният үзәкләре хезмәткәрләре рәхәтләнеп ял иттерде.
Апас “нечкәбиле” Резедә Сәлахова конкурсның ярымфинал өлешендә дә уңыш яулаган
5 сентябрь көнне “Казан Арена” стадионында “Нечкәбил” фестиваленең ярымфиналы узды. Бу чарада безнең Югары Балтай авылыннан Резеда Сәлахова да катнашты. Резеда бу юлы да уңыш яулаган. Ул “Наследие” номинациясендә икенче урын, улы ясаган рәсемнәр буенча икенче дәрәҗә Диплом һәм “Гаиләм тарихы” конкурсында да икенче дәрәҗә Диплом белән бүләкләнгән һәм  гаилә тарихына багышланган кино төшерү өчен махсус сертификатка ия булган. Аның гаиләсенә Апас районының “Иң уңышлы гаилә”се дигән исем дә бирелгән.
Районның тагын 7 гаиләсе Ана капиталы сертификатына ия булды
ЗАГС бинасында кабат әни булу бәхетен татыган 7 гаиләгә тантаналы шартларда Ана капиталы сертификатлары тапшырылды. Әниләр арасында икенче һәм өченче бәләкәчләрен алып кайтучылар бар иде.
8
сентябрь, 2015 ел
сишәмбе
Районда авылга эшкә кайтучы яшь авыл хуҗалыгы белгечләренә 100 мең сумлык дәүләт ярдәме күрсәтелә
Татарстан хөкүмәте башлангычы һәм Рөстәм Миңнеханов күрсәтмәсе белән, аграр юнәлешле югары уку йортларында белем алып, авыл хуҗалыгы министрлыгы юлламасы белән авылга эшкә кайтучы дипломлы яшь белгечләргә кире кайтаргысыз 100 мең сумлык дәүләт ярдәме күрсәтелә һәм аңа 1 ел дәвамында төп хезмәт хакына өстәп ай саен 5 мең сум акча түләнә.
Апаслылар Казанда үтүче авыл-хуҗалыгы ярминкәләрендә быел кабат катнашалар

Кичә инде бу эшкә старт бирелде. Ярминкәләр 3 ай барачак, апаслылар Казан сатып алучысы белән атна аралаш очрашачак. Ирекле сатуга куярлык товарыгыз булса, ярминкәләрдә катнашу тәртибен район авыл хуҗалыгы идарәсе белән килештерергә кирәк.

Узган ярминкәләрдә район җитештерүчеләренә 25милион сумга якын акча китерде, - дип хәбәр итте район авыл хуҗалыгы идарәсе.
Апас парк һәм скверлар көнен билгеләп үтте
Мәгълүм булганча, 2015 ел Татарстанда парк һәм скверлар елы дип игълан ителде. Бу максатчан программа буенча республикада  парк-скверларда киң колачлы төзекләндерү эшләре башкарылды, яңа парк-сквер ясалды. Апас та бу эштән читтә калмады-район үзәгендәге Батырлар мемориал скверының матурлыгын Татарстан лидеры Рөстәм Миңнеханов үзе килеп күрде һәм аның бизәләшен бик югары бәяләде. Кичә биредә парк һәм скверлар көне уңаеннан зур бәйрәм-фестиваль үтте. Бәйрәмдә башкала кунаклары, якташ җырчыларыбыз, районыбыз үзешчәннәре, балалар катнашты. Үзәк урам скверы моңлы җырларга, шат авазларга күмелде. 
Каратунлылар да “Зәлидә”дә уйнап-көлеп күңел ача
Хәзер һәр пәнҗешәмбе кичендә Каратунда да “Зәлидә” уеннары үтә. Биредә мәдәният хезмәткәрләре мәйданга килгән каратунлыларны биетә, җырлата, төрле-төрле халык уеннары уйната. 
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International