Муниципаль районнар Апас муниципаль районы

ЯҢАЛЫКЛАР

май, 2015 ел

чәршәмбе

Хокук сакчылары белән укытучылар бозда алка куалар

Апас “Алтын алка” Боз сараенда 16 майда район хокук сакчылары һәм мәгариф хезмәткәрләренең хоккей җыелма командалары дусларча очрашу уздырдылар. Ул Бөек Җиңүнең 70 еллыгына һәм Татарстанда игълан ителгән ГТО декадасына багышланган иде.Уен бик киеренке булып, исәп 10:5 исәбе белән укытучылар җыелма командасы файдасына төгәлләнде.

Татарстанның кайбер районнарында көчле җил һәм яшен булуы ихтимал

Татарстан синоптиклары фаразына караганда, иртәгә республикада аязучан болытлы һава була. Вакыты белән яңгырлар, көндез аерым районнарда яшен булу ихтималы бар. Татарстан буенча урыны белән, шулай ук Казанда көндез һәм кич төньяк-көнбатыштан исәчәк җилнең секундына 15-18 метрга кадәр көчәюе көтелә.

ТР Ветераннар берлеге вәкилләре Рөстәм Миңнехановны президент праймеризларында катнашу өчен күрсәтте

Җәмәгатьчеләр республика үсеше стратегиясен хуплап, Татарстан лидерына ышаныч белдерде.

май, 2015 ел

сишәмбе

Апас районында язгы чәчү тәмамланды

Район игенчеләре бүген тыныч күңел белән Ходай бүләге-май аеның җылы, мул яңгырларына хозурлана.

Апасның “Сәләт“ сәләтлеләре

“Сәләт“ балалар иҗаты үзәге методисты Ләйсән Әкбәрова һәм “Дан“ музее җитәкчесе Әгъзәм Хәмидуллин бу көннәрдә тынгысыз хезмәтләре өчен бүләкләнделәр.

Бакырчы авылында “иң матур утыргыч” сайлап алынды

2015 ел – Парклар һәм скверлар елы уңаеннан, Шәүкәт Галиев исемендәге Бакырчы урта мәктәбендә “Иң матур утыргыч” конкурсы игълан ителде.

Яшь гаилә Апаста кала

Апаста яңа гаилә оешты. Морзалар авылы егете, Татфондбанк хезмәткәре Динар Фәйзрахманов белән Апас кызы, “Росгосстрах“ хезмәткәре Эльмира Салихова парлы тормышка аяк бастылар. Туган төбәкләрендә хезмәт итәргә калучы яшь парларга Апас муниципаль районы башкарма комитеты җитәкчесе урынбасары Булат Гыйлманов район башлыгы исеменнән Рәхмәт хаты һәм истәлекле бүләк тапшырды

Районыбызның “Йолдыз” (“Звезда”) газеталары “Татмедианың легендар брендлары” исемле конкурста катнаша.

Районыбызның “Йолдыз” (“Звезда”) газеталары “Татмедианың легендар брендлары” исемле конкурста катнаша. 12 майдан 15 сентябрьгә кадәр tatmedia.ru сайтында тавыш бирүләр бара. “Йолдыз”ыбыз да сезнең тавышыгызны көтә. Тавыш бирү өчен түбәндәге ссылка аша үтегез:http://tatmedia.ru/legends/42/

май, 2015 ел

дүшәмбе

“Йолдыз” кубокларына Апас һәм Күккүз укучылары ия булды

16 майда “Йолдыз” газетасы призына 51нче җиңел атлетика ярышлары узды. Биредә барлыгы 25 команда катнашты. Урта мәктәпләрдән I урында – Зур Күккүз, II урында – Каратун, III урында – Табар Черкене мәктәбе командалары. Тулы булмаган урта мәктәпләрдән I урында – Апас, II урында – Зур Күккүз, II урында – Каратун мәктәбе командалары.

Болынбалыкчы авылында яңа фельдшер-акушерлык пункты ачылды

Әлеге тантанада район башлыгы Рәшид Заһидуллин катнашты. Болын Балыкчы авылында 21ел фельдшер булып халык сәламәтлеге сагында торучы Гөлсөяр Сибгатуллина шатлыгы белән уртаклашты. – Авылда 320 кешегә хезмәт күрсәтәм, 14 яшькә кадәрле 50 бала, яңа туучылар бишәү. Эшемне бик яратам. Авылдашлар гел авырып кына түгел, кайвакытта хәл белергә дип тә керәләр. Яңа фельдшер-акушерлык пунктына бик шатландым. Рәхмәт Президентыбызга, район башлыгына, “Селхозтехника ”, авыл җирлеге, “Рәхимов” хезмәткәрләренә олы рәхмәтемне җиткерәм, - диде ул.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ