ЯҢАЛЫКЛАР

Кече Күккүз авылында яшәүче Гадилә Фәйзрахманова 90 яшьлек олы юбилее уңаеннан кунаклар кабул итте. Аңа район башлыгы урынбасары Гөлчәчәк Мәүлетова изге теләкләр һәм олы хөрмәт белән ил башлыгының Котлау хатын, район башлыгы исеменнән бүләк, чәчкәләр һәм Бөек Җиңүнең 70 еллыгы уңаеннан медаль тапшырды. Гадилә әбине тәбрикләргә Зур Күккүз авыл җирлеге башлыгы Рузия Низамова һәм “Свияга” берләшмәсенең Күккүз бүлекчәсе җитәкчесе Илфир Гайнуллин да килде.

20 мартта, 15.00 сәгатьтә, район мәдәният йорты каршында Нәүрүз бәйрәме узачак. Җыр-биюле тамаша, карга боткасы, төрле уеннар, бәйгеләр, сату-алу – барысы да сезнең өчен, хөрмәтле райондашлар!

15 мартта районның һәрбер авыл җирлегендә, шул исәптән шәһәр тибындагы Апас поселогында үзара салым кертү буенча җирле референдум үтте.

Участоклар иртәдән үк эшен башлап җибәрде. Коймагы, чәе кайнап торды, җыр-моң агылды, сәүдә нокталары эшләде. Халык та, узган елдагыча, әлеге вакыйганың мөһимлеген аңлап, активлык күрсәтте, вакытында сайлау участогына килеп, үз сүзен әйтте.

«Авыл хуҗалыгы җирләре әйләнеше турындагы» Федераль Закон буенча хокук бозулар турындагы административ эшләрне җир әйләнеше дәүләт күзәтчелеге органнары башкара. Быелның 2 январенда дәүләт җир әйләнеше турында Россия хөкүмәтенең яңа карары кабул ителде. Җир хуҗаларына таләпләр катгыйлана. Төрле эшләр башкарганда җир өслегенең уңдырышлы катламын бозу да шул исәптән, хокук бозуларга керә. Төрле гербицид, пестицид, агрохимикатлар белән эш иткәндә дә авыл хуҗалыгы җирләренә зыян салынмаска тиеш.

Районның “Ак калфак” җәмгыяте “Чиккән сөлге – минем бүләгем”, “Чиккән кулъяулык – бүләккә” бәйгеләре уздыра. Әлеге бәйге апрель аенда тәмамланачак. Уңган-булган кызларга, ханымнарга үзләренең осталыкларын күрсәтү өчен менә дигән мөмкинлек бу! Кул эшләрен җәмгыятьнең җитәкчесе Земфира Мөхәммәтшина кабул итә.

Сәяси партияләрнең төбәк бүлекләре җитәкчеләре белән киңәшмә узды

Быелгы язгы кыр эшләрендә катнашачак барлык техника, ындыр табаклары-амбарларда әзерләнгән чәчүлекләрне 17-18 мартта район комиссиясе урыннарга барып кабул итте. Уртача температура +5 градуска җитүне көтмичә чәчүлек орлыкны кузгатып «уяту», һава агымында яңадан калибрлау һәм инкрустацияләүгә керешү турында килештеләр. Бөтен төр номинация буенча язгы кыр эшләренә иң яхшы әзерлек Әлмәндәр һәм Зур Күккүз берләшмәләрендә дип табылды. Горбунов исемендәге берләшмә әзерлеге икенче, «Апас» берләшмәсе әзерлеге өченче урынга лаек. Чүрибураш бүлекчәсе әзерлеге дә күпләргә ошады.

“Көнлек уртача температура +5 градуска җиткәч, орлык уяна. Шул шартларда чәчүлекне һава агымында җылыту, калибрлауга керешәчәкбез. Моның өчен орлык эшкәртү агрегатларыбыз җитәрлек. Инкрустация, орлыкны агулау өчен препаратларга җитәрлек күләмдә заказ бирелде инде. Аны складларга алдан туплап кую хәзерге экологик һәм саклык таләпләре буенча тыела.

Катнашырга теләк белдереп, барысы 6 команда теркәлү үткән. Узган ял көннәрендә Иске Йомралының “Комета” командасы Борнашның “Чайка” командасы белән уйнады. “Комета” Йомралының икенче командасы “Ветераннар” белән очрашты. Һәм шулай ук аграр көллиятнең “Катюша” командасы “Т-34” белән көч сынашты. Уеннар алга таба да дәвам итә.

Татарстан Республикасы юстиция министры урынбасары Мөхәррәм Ибәтов районда халыкны кабул итте. Күчмә кабул итүләр район хакимиятенең актлар залында узды. Бирегә килгән райондашлар үзләрен борчыган кайбер сорауларга җаваплар ишеттеләр.