Муниципаль районнар Апас муниципаль районы

ЯҢАЛЫКЛАР

февраль, 2015 ел

чәршәмбе

Апас Боз сараенда кичке хоккей уеннары башланды

Кичке сәгать 8дә, район хоккей командалары Апас бозында "Алтын Алка" боз сараенда дусларча уеннарда көч сынашачак. Хоккей яратучылар, җанатарлар уеннарга рәхим итегез!

февраль, 2015 ел

сишәмбе

Бу көннәрдә Апаста “Җәяүлеләр өчен юлны аркылы чыгу урыны” дип аталган махсус чара үтә

10-20 февраль көннәрендә “Җәяүлеләр өчен юлны аркылы чыгу урыны” дип аталган махсус чара үтә. Бу акциянең максаты – җәяүлеләр катнашында килеп чыга торган юл-транспорт һәлакәтләре санын киметү, шул рәвешле юлларда транспорт хәрәкәте иминлеген тәэмин итү.

Район эчке эшләр бүлеге хезмәткәрләре Дагстаннан кайттылар

Район эчке эшләр бүлеге хезмәткәрләре Руслан Хәйретдинов белән Рәмис Шакиров Дагстаннан яртыеллык хезмәт командировкасында булдылар. Алар бу Кавказ Республикасында җәмәгать тәртибе саклауда катнаштылар. Соңгы ун елда Россиянең төрле төбәкләренә район эчке эшләр бүлегеннән мондый максатчан, озак хезмәт командировкасына егермегә якын апаслы барды. Барысы да исән-сау әйләнеп кайттылар, тырыш хезмәтләре өчен күпләр дәүләт бүләкләре белән бүләкләнде. Бу хакта безгә район эчке эшләр бүлеге җитәкчесе урынбасары Фәнис Шәрәфуллин хәбәр итте.

Каратун укучылары - беренче

“Ялкын” журналы үткәргән “Ялкын Питерга китерер” бәйгесендә 7 нче сыйныф укучылары (җитәкчесе Сәвия Тимершина) республика күләмендә I урынга лаек булдылар һәм Казан шәһәрендәге Сәләт йортында узган тантаналы чарада катнашып, кыйммәтле бүләк – ноутбук белән бүләкләнделәр.

Районда салкын тидереп авыручылар саны кискен арткан

Соңгы вакытларда тирә-күрше төбәкләрдә грипп авыруы таралу турында күп сөйләнә. Үзәк хастаханәдән белдерүләренчә, районда әлегә грипп очрагы теркәлмәгән. Ләкин салкын тидереп авыручылар саны кискен арткан. Мисал өчен, бер атна элек вируслы салкын тию һәм температура күтәрелүдән зарланып 8 кеше мөрәҗәгать иткән булса, соңгы атнада авыручылар 17гә җиткән. Аның дүртесе – балалар.

Май чабу бәйрәме башланды

Май чабу - керәшеннәрдә, славяннарда кышны озатып, язны каршылау бәйрәме. Быел исә әлеге бәйрәм 16 по 22 февраль көннәренә туры килә.

февраль, 2015 ел

дүшәмбе

Олы Бакырчы авылында гомер итүче Зәйнетдин бабай Низамов 90 яшьлек юбилее уңаеннан кунаклар кабул итте

Балаларча шатланып каршы алды ул безне. – Минем туган көнгә дип урамыбызны да, капка төпләрен дә кардан чистарттылар. Ә көне нинди матур бүген. Сез киләсе булганга иртүк җыенып куйдым, бераз дулкынланам да, - дип күзләрен дә сөртеп куйды ак бабай

Апас муниципаль район Советының 47нче утырышы узачак

2015 елның 17 февралендә 10.00 сәгатьтә район мәдәният йортында икенче чакырылыш Апас муниципаль район Советының 47нче утырышы узачак.

Көн тәртибендәге төп мәсьәлә булып Апас муниципаль районы җирле үзидарә органнарының 2014 нче ел эшчәнлеге нәтиҗәләре һәм 2015нче елга бурычлары турындагы хисабы каралачак.

Иске Йомралы авылында, шушы авыл егете, Апас аграр көллияте укытучысы Рөстәм Мингазиев кубогы һәм призларына хоккей ярышлары узды

Биредә 6 команда катнашты. Беренче урынны – Апас аграр көллияте, икенче урынны – Иске Йомралы, өченче урынны – Апас командалары яулады. Авыл иртәдән үк бәйрәм төсен алды. Җыр-моң, алкышлар, җанатарларның шат авазлары тынып тормады, табада коймак пеште, һәркемгә кайнар чәй, тәмле ризык тәкъдим ителде. Барлык җиңүчеләр дә медальләр, бүләкләр алды. Кубок – Апас аграр көллияте хоккейчылары кулында.

Районда “Җиңү салюты” фестиваленең зона турлары тәмамланды

Бөек Җиңүнең 70 еллыгы уңаеннан авыл җирлекләре арасында оештырылган “Җиңү салюты” фестиваленең зона турлары тәмамланды. 12 февральдә иң соңгылардан булып, Шәмбалыкчы, Болынбалыкчы, Иске Йомралы һәм Каратун авыл җирлеге үзешчәннәре сәхнәгә менде. Чыгышларда сугыш еллары авырлыгы, җиңү шатлыгы, халкыбыз батырлыгы чагылыш тапты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ